धक्कादायक! चिनी लष्कराची गोपनीय कागदपत्रे रद्दीत, संग्राहकाने माहिती दिल्याने बाब उघड

वृत्तसंस्था, बीजिंग : रद्दीच्या दुकानातून चिनी लष्कराची गोपनीय कागदपत्रे सापडल्याची धक्कादायक घटना नुकतीच उघड झाली. लष्करी इतिहासाचे संग्राहक असलेल्या झांग नावाच्या एकाने रद्दीच्या गठ्ठ्यातून काही पुस्तके नाममात्र पैसे देऊन विकत घेतली. त्यात ‘गोपनीय’ असा शेरा पाहून त्याने लष्करी कार्यालयाला माहिती दिली. त्यातून हा प्रकार समोर आला.चिनी सरकारने या घटनेबद्दल संग्राहकाचे पूर्ण नाव किंवा या प्रकरणात कुणावर कारवाई करण्यात आली किंवा नाही, याबाबत कोणतीही सविस्तर माहिती दिलेली नाही. मात्र, ज्यांच्यावर पुस्तके नष्ट करण्याची जबाबदारी सोपविण्यात आलेली होती, त्या दोन अधिकाऱ्यांची चौकशी केली जात असल्याचे चीनच्या सरकारी माध्यमाने म्हटले आहे.

Chhatrapati Sambhajinagar : नगर परिषदेच्या शाळेत प्रवेश घ्या, सिल्लोड नगर परिषदेचे पालकांना आवाहन
दरम्यान, देशासाठी गोपनीय बाब नेमकी कोणती, हे चिनी सुरक्षा यंत्रणा आणि विधी विभाग कधीही स्पष्ट करीत नाही. चिनी आणि देशात कार्यरत परदेशी सल्लागार संस्थांकडे अर्थव्यवस्थेविषयी असलेल्या माहितीवर सुक्ष्म नजर ठेवली जाते, उलट अन्य देशांत ही माहिती सार्वजनिक पातळीवर खुली असते.
अमेरिकेसह अन्य देशांशी चीन लष्करी स्पर्धा करीत आहे. त्यातच भविष्यातील लष्करी भागीदारी, खरेदी-विक्री आदींमध्ये चीनला स्वारस्य आहे, या पार्श्वभूमीवर रद्दीत सापडलेल्या संवेदनशील लष्करी कागदपत्रांमुळे चीन चर्चेत आला आहे.