Giorgia Meloni यांचा PM Modi यांच्यासोबतचा सेल्फी व्हायरल, व्हिडिओ शेअर करत दिलं ‘असं’ कॅप्शन, मोंदीकडूनही प्रत्युत्तर

PM Modi Giorgia Meloni Selfie: जॉर्जिया मेलोनी यांचा पीएम मोदींसोबतचा सेल्फी व्हायरल झाला आहे. पंतप्रधान नरेंद्र मोदी जी-७ मधून मायदेशी परतले आहेत. यानंतर आता इटलीच्या पंतप्रधान जॉर्जिया मेलोनी आणि पीएम मोदी यांचा एक सेल्फी सोशल मीडियावर मोठ्या प्रमाणात व्हायरल होत आहे. या फोटोमध्ये दोन्ही देशांचे पंतप्रधान खूप आनंदी दिसत आहेत.

१३ ते १५ जून दरम्यान इटलीमध्ये जी-७ शिखर परिषद पार पडली. सलग तीन दिवस जी-७ शिखर परिषदेत सहभागी झाल्यानंतर नरेंद्र मोदी १५ जून रोजी भारतात परतले. पंतप्रधान नरेंद्र मोदी यांनी जी-७ शिखर परिषदेत इटलीच्या पंतप्रधान जॉर्जिया मेलोनी यांचीही भेट घेतली. यादरम्यान दोन्ही देशांच्या नेत्यांमध्ये अनेक महत्त्वाच्या मुद्द्यांवर चर्चा झाली. पंतप्रधान मोदींचा इटलीच्या पंतप्रधान जॉर्जिया मेलोनीसोबतचा सेल्फीही सोशल मीडियावर व्हायरल होत आहे. या फोटोत दोन्ही देशांचे नेते हसताना दिसत आहेत. या परिषदेत इटलीचे पंतप्रधान मेलोनी यांनी पंतप्रधान नरेंद्र मोदी यांना शुभेच्छा दिल्या होत्या. यानंतर त्याचा नमस्ते म्हणतानाचा फोटोही सोशल मीडियावर व्हायरल झाला.
अमेरिकेतील पीएनजी ज्वेलर्सच्या दुकानावर दरोडा, २० हून अधिक चोरट्यांनी मारला डल्ला, घटना सीसीटीव्हीत कैद
इटलीच्या पंतप्रधान जॉर्जिया मेलोनी यांनीही पंतप्रधान नरेंद्र मोदींसोबतचा सेल्फीचा व्हिडिओ शेअर केला आहे. मेलोनी यांनी शनिवारी त्यांच्या एक्स अकाउंटवर पाच सेकंदांचा हा व्हिडिओ शेअर केला. या व्हिडिओमध्ये पंतप्रधान मोदी हसताना दिसत आहेत. पंतप्रधान मोदींनी व्हिडिओ पुन्हा शेअर केला आणि लिहिले, ‘भारत-इटली मैत्री चिरंजीव! यानंतर पंतप्रधान मोदींनी सोशल मीडियावर पोस्ट करून इटलीच्या पंतप्रधान जॉर्जिया मेलोनी यांचे आभार मानले आहेत. त्यांनी लिहिले की, ‘भारताला G7 शिखर परिषदेचा भाग होण्यासाठी आमंत्रित केल्याबद्दल आणि अप्रतिम व्यवस्थेबद्दल धन्यवाद.’

पंतप्रधान मोदी यांनी इटलीतील G-7 शिखर परिषदेच्या बाजूला त्यांच्या इटालियन समकक्षांसोबत द्विपक्षीय बैठक घेतली. यादरम्यान दोन्ही नेत्यांनी दोन्ही देशांमधील संरक्षण आणि सुरक्षा सहकार्यावर चर्चा केली. परराष्ट्र मंत्रालयाने एका निवेदनात म्हटले आहे की, ‘दोन्ही बाजूंनी द्विपक्षीय संरक्षण आणि सुरक्षा सहकार्यावर चर्चा केली आणि संरक्षण औद्योगिक सहकार्य आणखी वाढवण्याची आशा व्यक्त केली. इटालियन विमानवाहू जहाज ITS Cavour आणि प्रशिक्षण जहाज ITS Vespucci या वर्षाच्या अखेरीस भारताला भेट देतील, असे निवेदनात म्हटले आहे.

या परिषदेत पंतप्रधान नरेंद्र मोदी यांनी संयुक्त राष्ट्राचे सरचिटणीस अँटोनियो गुटेरेस, तुर्कीचे अध्यक्ष रेसेप तय्यप एर्दोगान, ब्राझीलचे अध्यक्ष लुला दा सिल्वा आणि UAE चे अध्यक्ष मोहम्मद बिन झायेद अल नाह्यान, जॉर्डनचे राजे अब्दुल्ला यांची भेट घेतली. या वेळी अमेरिका, ब्रिटन, फ्रान्स, इटली, जर्मनी, कॅनडा आणि जपान या सात देशांनी G-7 शिखर परिषदेत भाग घेतला. या वेळी इटलीच्या निमंत्रणावरून अल्जेरिया, अर्जेंटिना, ब्राझील, भारत, जॉर्डन, केनिया, मॉरिटानिया, ट्युनिशिया, तुर्की आणि संयुक्त अरब अमिराती या देशांनी या परिषदेत अतिथी म्हणून सहभाग घेतला.