पप्पा, फक्त एकदा या ना, मग जा तुम्ही मिशनवर! शहीद बापाला लेक वर्षभर पाठवतोय व्हॉईस मेसेजेस

Kernel Manpreet Singh Son Kabir : काल फादर्स डे निमित्ताने अनेक पोस्ट असतील किंवा शुभेच्छा सोशल मीडियावर दिसत होत्या. प्रत्येकजण आपआपल्या परीने वडीलांसाठी काहीतरी स्पेशल करत होते. यामध्ये काही अशीही मुले आहेत ज्यांचे बाबा अनेक महिने डोळ्यासमोर नसतात. सीमेवर तैनात असल्याने अनेक सैनिक कुटुंबाच्या संपर्कात नसतात. पण असेही काही सैनिक असतात ज्यांनी देशासाठी सर्वोच्च बलिदान देवून देशाप्रती असलेली निष्ठा आणि कर्तव्याची पूर्तता करतात. मागील वर्षी जम्मू काश्मीरात झालेल्या चकमकीत शहीद कर्नल मनप्रीत सिंह यांनी देशाची सेवा करताना आपला जीव गमावला पण त्यांचा सात वर्षाचा मुलगा रोज त्यांची आठवण काढतोय आणि एकदा फक्त पपा भेटायला या! अशी आर्जव करतोय.

सात वर्षाचा कबीर रोज आईची नजर चुकवून आपल्या वडिलांना व्हॉइस मॅसेज पाठवत असतो. कर्नल सिंह देशासाठी शहीद झालेत मात्र चिमुकला अजूनही वडिलांच्या प्रतिक्षेत आहेत. कबीरचा व्हॉइस मॅसेज ऐकून तुमच्याही डोळ्यात पाणी आल्याशिवाय राहणार नाही.
एक फादर्स डे असाही! आजारी वडिलांना लेकीनं दिले जीवदान, वयाच्या २१व्या वर्षी यकृत दान

कबीर काय म्हणतोय?
“पपा फक्त एकदा या! पुन्हा पाहिजे तर मिशनवर जा पण फक्त एकदा या..” लहान कबीरला आपले बाबा परत कधीच येणार नाहीत याची कल्पना नाही. कबीरचा गोड आवाजातील व्हॉइस मॅसेज ऐकून कोणाचेही डोळे पाणवतील. वडिलांना मॅसेज करताना कबीर आईच्या नजरेआड जावून व्हॉइस मॅसेज पाठवत राहतो. कधीकधी वडिलांना कॉल करण्याचाही प्रयत्न करतो.

कर्नल मनप्रीत सिंह यांना गेल्यावर्षी शत्रूशी दोनहात करताना वीरमरण आले होते. १३ सप्टेंबरला गडूल गावानजीक दहशतवाद्यांसोबत झालेल्या चकमकीत कर्नल सिंह यांना वीरमरण आले, पण यावेळी झालेल्या चकमकीत सिंह यांच्यासह मेजर आशीष धोंचक, जम्मू काश्मीर पोलिस उपअधीक्षक हुमांयू भट आणि शिपाई प्रदीप सिंह यांना सुद्धा वीरमरण प्राप्त झाले आहे. देशासाठी सर्वोच्च बलिदान दिलेल्या वीरपुत्रांना देश कायम स्मरणात ठेवेल. कर्नल सिंह यांच्या कुटुंबात त्यांच्या पश्चात पत्नी, दोन मुले आणि आईवडील असा परिवार आहे.