‘आधी जोरात धडक, मग किंकाळी, गर्भवती महिला सीटवरुन खाली पडली’ विचित्र अपघाताचे प्रवाशांनी केले वर्णन

kanchanjunga express : पश्चिम बंगालमधील सोमवारी पहाटे कांचनजंगा एक्स्प्रेसला मालगाडीची धडक बसून झालेल्या अपघातात आतापर्यंत नऊ जणांना आपला जीव गमवावा लागला आणि 50 हून अधिक जण जखमी झाले. खराब झालेल्या डब्याजवळ उभ्या असलेल्या सियालदह-कांचनजंगा एक्स्प्रेसमधील एका प्रवाशाने सांगितले की, न्यू जलपाईगुडीच्या जवळ असलेल्या रंगपानीजवळ ट्रेन हळू चालत होती. “आमची ट्रेन जेव्हा न्यू जलपायगुडीपासून काही किलोमीटर अंतरावर असलेल्या रंगपानी येथे पोहोचली तेव्हा खूप संथ गतीने चालत होती,”

दुसऱ्या प्रवाशाने वर्णन करताना सांगितले “अचानक मोठा धक्का त्यानंतर मोठा आवाज आला, ज्यामुळे ट्रेन अचानक थांबली. ट्रेनमधून उतरल्यानंतर एका मालगाडीने त्यांच्या रेकला मागून धडक दिल्याचे प्रवाशांच्या लक्षात आले.”

तर तिसऱ्या महिला प्रवाशाने वर्णन करताना सांगितले “आम्ही चहा घेत होतो जेव्हा ट्रेन अचानक धक्क्याने थांबली,” माझ्या कुटुंबासोबत प्रवास करणारी एका गर्भवती महिला या धडकेमुळे सीटवरून खाली पडली. पुढे ती म्हणाली, “हे भूकंप झाल्यासारखे वाटले. आम्हाला स्वतःला सावरायला आणि काय झाले हे समजून घेण्यासाठी थोडा वेळ लागला,”

चौथा प्रवाशाने वर्णन केले “मी कांचनजंगा एक्स्प्रेसच्या एस 6 डब्यात बसले होते, त्यांना आगरतळा येथे अचानक धक्का बसला आणि त्यानंतर डब्ब्यातून एक किंकाळी ऐकू आली”.

तर एक प्रवाशाने सांंगितले “माझी पत्नी, मूल आणि मी कसा तरी गोंधळलेल्या डब्यातून बाहेर पडण्यात यशस्वी झालो. सध्या आम्ही अजून अडकलो आहोत… बचाव कार्यही उशिरा सुरू झाले,” असे प्रवाशाने नमूद केले.

रेल्वे मंत्री अश्विनी वैष्णव यांनी सांगितले की, रेल्वे सुरक्षा आयुक्तांनी अपघाताचे कारण शोधण्यासाठी चौकशी सुरू केली आहे. भविष्यात अशा घटना घडू नयेत यासाठी कठोर पावले उचलली जातील, असे आश्वासन त्यांनी दिले. तत्पूर्वी, रेल्वे बोर्डाच्या अध्यक्षा जया वर्मा सिन्हा यांनी माहिती दिली की, मालगाडीच्या लोको पायलटच्या संभाव्य “मानवी चुकांमुळे” ही टक्कर झाली असावी, लोको पायलट सुद्धा अपघातात जखमी झाला आहे. सिन्हा यांनी माहिती दिली की मालगाडीने सिग्नलकडे दुर्लक्ष केले असावे आणि आगरतळा ते सियालदहला जाणाऱ्या कांचनजंगा एक्स्प्रेसला त्यामुळे धडक बसली असावी.