Viral Video : चालत्या ट्रेनसोबत तरुणाला कॉलर पकडून नेले फरफटत, व्हिडिओ झाला व्हायरल

Viral Train Video : भोपाळच्या प्लाटफॉर्म क्रमांक २ वर एक धक्कादायक प्रकार घडला आहे. रेल्वेवर उभ्या असलेल्या काही प्रवाशांनी हा व्हिडिओ कॅमेऱ्यात कैद करत व्हायरल केला आहे. कुशीनगर एक्सप्रेस नेहमीप्रमाणे रेल्वे स्टेशनवर आली आणि प्रवाशांची चढउतार सुरु झाली. काही वेळाने रेल्वे सुरु झाली तेव्हा अचानक ट्रेनमधील एका युवकाने प्लाटफॉर्मवर उभ्या असलेल्या युवकाची कॉलर पकडून त्याला फरफटत नेले अशी घटना पाहून स्टेशनवर सगळेच घाबरले नेमका काय प्रकार कोणच्याच लक्षात नाही आला पण उपस्थित प्रवाशांनी व्हिडिओ केला आणि तोच व्हायरल झालाय.

चालक नसलेली रिक्षा गोल गोल फिरली, लोकांवर चढली; कोल्हापुरात विचित्र अपघात, CCTV फुटेज समोर

व्हिडिओत एक दादागिरी करताना युवक आढळून येतोय. ज्याने स्टेशनवर उभ्या असलेल्या दुसऱ्या मुलाची ट्रेन सुरु होताच कॉलर पकडलेली दिसते. आणि दरम्यान ट्रेनमध्ये उभा असलेला मुलगा स्टेशनवरील मुलाला मागे पुढे कॉलर पकडून हलवताना दिसतोय. ट्रेन आणि स्टेशनच्या मध्ये बरेचसे अंतर सुद्धा दिसते त्यामुळे लोक सुद्धा ओरडण्याचा आवाज येतोय. हा पूर्ण व्हिडिओ पाहताना चित्रपटाचा एखादा एक्शन सीन वाटतोय. पिडीत मुलगा घटनेदरम्यान ट्रेन आणि स्टेशनच्या मधील गॅपमध्ये पडला असता तर मोठी दुर्घटना घडली असती असे व्हिडिओत दिसते.

हा सगळा प्रकार कुशीनगर एक्सप्रेसमध्ये घडला असून व्हिडिओ भोपाळ हायलाइट अश्या नावाच्या इंस्टाग्राम पेजवर अपलोड करण्यात आला आहे. व्हायरल झालेल्या व्हिडिओची दखल घेत पोलिसांनी तपास सुरु केला आहे. दरम्यान घटना का घडली किंवा त्याला काय असे कारण होते याबाबत कोणतीही माहिती समोर आलेली नाही. परंतु हा व्हिडिओ दादागिरी आणि गुंडागिरीचा असल्याचे म्हणत लोकांनी यावर प्रतिक्रिया देत व्हिडिओला व्हायरल केलंय.