Tej Police Times
ठाणे: अंबरनाथ येथील आनंद नगर एमआयडीसीतील आर के केमिकल या कंपनीत रासायनिक वायू गळती झाली आहे. गळतीमुळं आसपासच्या परिसरातील लोकांना श्वसनाचा त्रास होऊ लागल्यानं खळबळ उडाली. त्रास होत असलेल्या ३४ व्यक्तींना उल्हासनगर मध्यवर्ती रुग्णालयात उपचारासाठी दाखल करण्यात आले आहे. (Gas Leakage in Ambernath MIDC)
वाचा: DSK यांच्या सील केलेल्या बंगल्यात चोरी; देवघरातील वस्तूही सोडल्या नाहीत!
घटनेची माहिती मिळताच अंबरनाथ पोलीस व अंबरनाथ MIDC अग्निशमन केंद्राचे एक फायर वाहन घटनास्थळी पोहोचले आहे. सदर घटनेत कोणालाही दुखापत झाली नसून सदर ठिकाणी सल्फुरिक अॅसिड या केमिकलची गळती थांबवण्यात आली आहे. परिस्थिती नियंत्रणात असल्याची माहिती अंबरनाथ अग्निशमन केंद्रातून देण्यात आली आहे.
वाचा: परमबीर सिंग यांचा निकटवर्तीय अटकेत; मोठा भांडाफोड होण्याची शक्यता