पलायन केलेल्या विजय मल्ल्याचे युकेत कोट्यावधीचे घर, लेकाच्या लग्नात फोटो आले समोर

Vijay Mallya : भारतातून फरार असलेला विजय मल्ल्या सध्या युकेमध्ये वास्तव्यासाठी आहे. पण नुकतेच विजय मुल्ल्याचा मुलाचा शाही विवाह सोहळा युकेमध्ये पार पडला.सिद्धार्थ मल्या याने जास्मिनसोबत विवाह केला.लग्नसोहळ्यात युकेतील प्रतिष्ठित लोकांनी हजेरी लावली होती. पण लग्नसोहळ्यात चर्चा रंगली मल्ल्याच्या राजवाड्याची. जवळजवळ युकेमधील किंमतीनुसार १४ मिलियनचा विजय मलल्याचा बंगला आहे.

देशातील विविध बँकेतून ९०० करोडचे विजय मल्ल्याने लोन घेतले होते, पण लोनचे पैसे परतफेड न करता विजय मल्ल्याने बाहेरगावी पलायन केले. युकेतील हर्टफोर्डशायरमधील टेविन इथे सिद्धार्थ मल्ल्या आणि जास्मिनच्या लग्नाची गाठ बांधली गेली. भारतातून पलायन करण्याआधी युकेतील लेडीवॉक इस्टेट मध्ये २०१५ साली मल्ल्यांनी गुंतवणूक केली होती. ६८ वर्षीय विजय मलल्या ९०० हजार कोटींहून अधिक रक्कमेच्या थकित प्रकरणी भारतात ईडी आणि सीबीआय कडून विजय मलल्यांवर गुन्हा दाखल करण्यात आला आहे.
Janhvi Kapoor : ६५ कोटींचं घर, महिना ६० लाख कमाई; सहा वर्षांपूर्वी डेब्यू,फोटोतील चिमुकली कोट्यवधींची मालकीण

एफ वनचे विजेते लुईस हॅमिल्टन याचे वडील अँथनी हॅमिल्टन यांच्याकडून लेडीवॉकमधील इस्टेट विजय मलल्याने खरेदी केली होती. रेडिफ प्रॉपर्टी रिपोर्ट नुसार एकेकाळी स्वयघोषित राजा राहिलेल्या व्यक्तीसाठी ही वास्तू अलिशान असा राजमहल आहे. ३० एकर जागेवर हा अलिशान महल उभा राहिला आहे.आउटहाउस, जलतरण तलाव, कारंजे, टेनिस कोर्ट, कार गॅरेज अशा सगळ्या सेवासुविधांनी मल्ल्याचे घर सुसज्ज आहे.

सिद्धार्थने लग्नासाठी क्लासिक ब्लॅक सूट परिधान केला होता, तर जास्मिनने पांढऱ्या रंगाचा वेडिंग गाऊन परिधान केला होता. या जोडप्याची प्रेमकथा यापूर्वी ऑक्टोबर २०२३ मध्ये चर्चेत होती. सिद्धार्थ मल्ल्या यांचा जन्म ७ मे १९८७ रोजी लॉस एंजेलिस येथे विजय मल्ल्या आणि त्यांची एक्स पत्नी समीरा तयबजी यांच्या पोटी झाला. त्याचे संगोपन त्याच्या आईने लंडन आणि यूएईमध्ये केले. कौटुंबिक संबंधांसाठी ओळखल्या जाण्याव्यतिरिक्त, सिद्धार्थ एक अभिनेता-मॉडेल आणि लेखक आहे. ‘If I’m Honest’ या त्यांच्या पहिल्या पुस्तकात सिद्धार्थने त्यांच्या वैयक्तिक आयुष्य आणि नातेसंबंधांबद्दल लिहिले आहे.