Reel Viral Video: समुद्राच्या पाण्यात रील बनवणंं महागात; थार पाण्यात अडकली, तरुणांची उडाली भांबेरी, घटनेचा व्हिडिओ व्हायरल

गांधीनगर : रील बनवण्याच्या नादाने तरुणाईला मृत्यूच्या दारात नेऊन उभे केल्याच्या अनेक घटना गेल्या काही काळात समोर आल्या आहेत. हटके रील्स व्हिडिओ व्हायरल करुन अधिक लाईक्स आणि व्ह्यूजची मिळवण्याची तरुणाईला अक्षरश: हाव लागली आहे. रील बनवण्याच्या नादात संभाजीनगरमधील मुलीचा मृत्यू झाल्याची घटना ताजी असताना गुजरातमधून देखील अशाच एका घटनेचा धक्कादायक व्हिडिओ समोर आला आहे.

घटना आहे कच्छमधील मुंद्रा बीचवरील. दोन तरुण आपल्या थार कार घेऊन समुद्राच्या खोल पाण्यात उतरले. यादरम्यान भरतीच्या लाटांनी दोन्ही वाहनांना अक्षरश: घेरले आणि दोन्ही गाड्या त्या प्रवाहात अडकल्या. सध्या दोन्ही कार स्थानिकांच्या मदतीने पाण्यातून बाहेर काढण्यात आल्या आहेत.
धुळ्यात डिझेलचा काळाबाजार करणाऱ्या तिघांना अटक, टँकरसह तब्बल १ कोटी रुपयांचा मुद्देमाल जप्त
या घटनेचा व्हिडिओ सोशल मीडियावर व्हायरल झाला आहे. व्हिडिओवरुन कच्छ पोलिसांनी दोन्ही तरुणांविरुद्ध तक्रार दाखल केली आहे. यामध्येच असा देखील दावा केला जात आहे की, एका जीपचे इंजिन निकामी झाले होते त्यामुळे ही घटना घडली आहे.
तो दारू प्यायला नव्हता, तो पळूनही गेला नाही, अपघातानंतर आमदार मोहिते पाटलांनी पुतण्याची कड घेतली!

तरुणींचा रील्स साठी स्टंट करतानाचे व्हिडिओ व्हायरल

पुण्यातील एका तरुणीने उंच इमारतीच्या गच्चीवरुन स्वत:ला हवेत झोकून रील बनवण्याचा स्टंट केला होता. याचा व्हिडीओ देखील सोशल मीडियावर व्हायरल झाला होता. व्हिडिओ दिसत असल्याप्रमाणे ही तरुणी इमारतीच्या गच्चीवर लटकली होती. मित्रांनी तिचा हात धरला होता तर दुसरा मित्र त्यांचा व्हिडिओ काढच होता. याप्रकरणी भारती विद्यापीठ पोलिसांनी पाच जणांविरुद्ध गुन्हा दाखल केला आहे.

तर संभाजीनगरमधून सुद्धा कार चालवत असताना तरुणीचा रील बनवतानाचा धक्कादायक प्रकार समोर आला होता. यामध्ये तरुणीने आपली उलट्या दिशेने फिरवली आणि कार थेट दरीत कोसळली. यामध्ये तिचा दुर्दैवी अंत झाला आहे.