Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Lionel Messi चा आज वाढदिवस आहे. 1987 साली जन्मलेला अर्जंटिनाचा लेजंडरी फुटबॉलर यंदा 37 वर्षांचा झाला आहे. मेस्सीचे फॅन्स जगभरात आहेत. अलीकडेच Xiaomi नं देखील एक खास फोन Argentina Football Association सोबत भागेदारी करून सादर केला होता. कंपनीनं Redmi Note 13 Pro 5G World Champions Edition लाँच केला आहे. यावर जर्सी नंबर 10 मिळतो जो मेस्सीचा आहे, त्यामुळे चाहत्यांना हा फोन नक्कीच आवडेल. हा फोन भारतात उपलब्ध आहे आणि यासोबत AFA ब्रँडिंग असलेल्या अ‍ॅक्सेसरीज देखील मिळतात.
मेस्सीचा जर्सी नंबर असलेला फोन
मेस्सीचा जर्सी नंबर असलेला फोन
Redmi नं एप्रिलच्या अखेरीस भारतात रेडमी नोट 13 प्रो+ 5जी वर्ल्ड चॅम्पियन्स एडिशन लाँच केला आहे. यात कलर आणि डिजाइन बदलण्यात आली आहे बाकी फीचर्स मूळ फोन सारखेच आहेत. अर्जंटिना फुटबॉल असोसिएशन सोबत मिळून सादर केला हा फोनच्या मागे ब्लू आणि व्हाइट स्ट्राइप आहेत. जे अर्जंटिना फ्लॅग सारख्या वाटतात. यावर नंबर 10 देखील दिसतो जो रेडमीनं देशात पूर्ण केलेले वर्ष दर्शवतो. बॉक्समध्ये कंपनी AFA ब्रँडिंगसह अ‍ॅक्सेसरीज देत आहे.
Redmi Note 13 Pro+ 5G World Champions Edition मध्ये AFA ची ब्रॅंडिंग आणि खालच्या बाजूला ‘Campeon Mundial 22’ टेक्स्ट आहे. फोनच्या बॉक्समध्ये AFA ब्रॅंडिंगअसलेली असलेल्या अ‍ॅक्सेसरीज आहेत. जसे की ब्लू कलरची चार्जिंग केबल, AFA लोगोसह अ‍ॅडेप्टर, फुटबॉलच्या आकाराचा सिम इजेक्टर, हँडसेटमध्ये वॉलपेपर्स आणि कस्टमाइज्ड UI मिळतो.
Redmi Note 13 Pro+ 5G वर्ल्ड चॅम्पियन्स एडिशन मध्ये 6.67 इंचाचा अ‍ॅमोलेड डिस्प्ले मिळतो. जो 1.5 के रिजॉल्यूशन (1,220 x 2,712 पिक्सल) ला सपोर्ट करतो. सुरक्षेसाठी यात कॉर्निंग गोरिल्ला ग्लास विक्ट्सची लेयर देण्यात आली आहे.
प्रोसेसींगसाठी MediaTek Dimensity 7200 Ultra चिपसेट देण्यात आला आहे. त्याचबरोबर 12जीबी रॅम आणि 512जीबीची स्टोरेज देण्यात आली आहे. हा फोन ट्रिपल कॅमेरा सेटअपसह आला आहे, ज्यात 200 मेगापिक्सलचा प्रायमरी कॅमेरा देण्यात आला आहे. त्याचबरोबर 8 मेगापिक्सलचा अल्ट्रा वाइड कॅमेरा आणि 2 मेगापिक्सलचा मॅक्रो सेन्सर मिळतो. तर फ्रंटला 16 मेगापिक्सलचा सेल्फी कॅमेरा मिळतो.
या फोनमध्ये 5,000 एमएएचची बॅटरी देण्यात आली आहे. ही बॅटरी 120 वॉट फास्ट चार्जिंगला सपोर्ट करते. या फोनच्या एकमेव 12GB RAM व 512 GB स्टोरेज मॉडेलची किंमत 37,999 रुपये आहे. त्यावर 3000 रुपयांचा बँक डिस्काउंट देखील मिळत आहे.