Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Pakistan On Minorities:’पाकिस्तानमध्ये अल्पसंख्यांकांचं शोषण होत आहे’..पाकिस्तानचा कबुलनामा, संरक्षण प्रस्ताव आणण्यासाठी हालचाली पण..
पाकिस्तानी वृत्तवाहीनी डॉन मधून मिळालेल्या माहितीनुसार संरक्षणमंत्री यांनी यावेळी पाकिस्तान मधील मुस्लिमांतील छोटे संप्रदाय सुध्दा सुरक्षित नसल्याचे सांगितले. यासोबतच इतर धार्मिक अल्पसंख्यक सुध्दा भितीच्या छायेखाली असल्याचे त्यांनी नमूद केले.पाकिस्तानच्या संसदेमध्ये विरोधकांच्या गदारोळामध्ये त्यांनी सर्वांचे लक्ष एका महत्वाच्या मुद्द्याकडे वेधले. यावेळी ते म्हणाले की ‘ आमचे संविधान अल्पसंख्यांकांना संरक्षण प्रदान करते परंतु प्रत्यक्षात मात्र आम्ही त्यांच्या हत्या होताना पाहतो आहोत’ असे म्हणत त्यांनी या मुद्द्यावर एका राष्ट्रीय सहमतीचे निवेदन केले.
इस्लाम धर्माच्या नावावर लोकांच्या हत्या करण्याची परवानगी देत नाही
पाकिस्तानमध्ये गेल्या काही दिवसांपासून अल्पसंख्यांकांवरील हल्ल्यांमध्ये लक्षणीय वाढ झाली आहे. पाकिस्तानातील स्वात, सरगोधा, फैजलाबाद या ठिकाणी अल्पसंख्यांकांवरील झालेल्या हल्ल्याचा यावेळी संरक्षण मंत्र्यांनी उल्लेख केला. तसेच पाकिस्तानमध्ये २० जून रोजी सियालकोटमधील मॉब लिंचिंगच्या घटनेची निंदा केली. यावेळी ख्वाजा आसिफ म्हणाले की, ‘इस्लाम धर्माच्या नावावर लोकांच्या हत्या करण्याची परवानगी देत नाही.’ आपल्या वैयक्तिक फायद्यासाठी काही लोक धार्मिक भावनेचा आधार घेवून निरपराध लोकांच्या हत्या करत असल्याचा त्यांनी आरोप केला.
यावेळी त्यांनी या घटनांचा निषेध प्रस्ताव मांडण्याबद्दल विरोधकांच्या सहयोगाची अपेक्षा केली. पाकिस्तानमधून आपण जगाला एक संदेश द्यायचा असे सांगून ते पुढे म्हणाले की, ‘आम्ही आमच्या अल्पसंख्य बंधु-भगिनींची सुरक्षा केली पाहिजे. जितका अधिकार बहुसंख्यांकांना या देशात राहण्याचा आहे तितकाच अधिकार त्यांनासुध्दा आहे. पाकिस्तान हा सर्व नागरीकांचा आहे. मग त्यात कुणी मुस्लीम,ख्रिश्चन,शीख वा इतर धर्मिय असो. आमचे संविधान सर्व नागरीकांच्या संरक्षणाची हमी देते.’
यावेळी त्यांनी मांडलेल्या प्रस्थावावर चर्चा होण्याआधीच विरोधकांनी गदारोळ केला आणि सभागृह तहकुब करण्यात आले.