Tej Police Times
TechCrunchच्या रिपोर्टनुसार, पूर्व व्हाइट हाऊसचे फोटोग्राफर पीट सोउजा यांनी सांगितले की, त्यांच्या काही फोटोंना ‘AI द्वारा बनवलेले’ असे लेबल देण्यात आले आहे. त्यांनी केवळ फोटो सुधारण्यासाठी एडिटिंग टूल्सचा वापर केला होता. सोउजा यांनी असेही सांगितले की, ते हे लेबल काढू शकत नाहीत. त्यांना शंका आहे की, कदाचित Adobe च्या क्रॉपिंग आणि साईज कमी करण्याच्या फीचर्समुळे Metaची सिस्टिम गोंधळात पडली आहे. हे लेबल फक्त मोबाइलवर फोटो पाहताना दिसते.
Adobe टूल्स बनली समस्या
ही चूक फक्त साध्या एडिटिंग टूल्सपुरती मर्यादित नाही. काही फोटोग्राफर्सनी अॅडव्हान्स टूल्स (जसे Adobe’s Generative Fill) वापरून छोटे बदल केले, तरीही Meta ने त्यांच्या असली फोटोंना ‘AI द्वारा बनवलेले’ म्हणून लेबल दिले. फोटोग्राफर नोआह कॅलिना यांनी Threads वर लिहिले, ”जर थोडेफार बदल केलेल्या फोटोंनाही ‘AI द्वारा बनवलेले’ म्हटले जात असेल, तर या टर्मचा काही अर्थच राहत नाही.
Meta ची प्रतिक्रिया
Meta कंपनीने ही चूक मान्य केली असून ती सुधारण्याचा प्रयत्न करत आहे. कंपनीच्या प्रवक्त्या केट मॅकलॉघलिन यांनी सांगितले की, ‘आम्ही इंडस्ट्री स्टॅंडर्ड इंडिकेटर्सवर अवलंबून आहोत, जे इतर कंपन्या त्यांच्या एडिटिंग टूल्समध्ये वापरतात. त्यामुळे आम्ही या कंपन्यांसोबत मिळून या प्रक्रियेत सुधारणा करण्याचे काम करत आहोत, जेणेकरून आमची लेबलिंग योग्य ठरेल.’ त्यांनी पुढे सांगितले की, ‘आमचा उद्देश नेहमीच लोकांना हे सांगणे आहे की, त्यांनी जे फोटो पाहिले आहेत, त्यात AI चा वापर झाला आहे की नाही. अलीकडे मिळालेल्या फीडबॅकच्या आधारे आम्ही आमच्या पद्धतीत सुधारणा करत आहोत, जेणेकरून लेबल अचूकपणे सांगू शकेल की, कोणत्याही फोटोमध्ये किती AI वापरला गेले आहे.’
Meta च्या या चुकीमुळे फोटोग्राफर्स आणि सामान्य लोकांमध्ये गोंधळ निर्माण झाला आहे. कंपनीने लवकरात लवकर ही चूक सुधारून असली फोटोंना योग्य लेबलिंग द्यावी, अशी अपेक्षा आहे. यामुळे फोटोग्राफर्सचा विश्वास पुन्हा मिळवता येईल आणि सामान्य लोकांनाही खरे आणि बनावट फोटोंमधील फरक समजू शकेल.