Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
भारतीय वंशाच्या अंतराळवीर सुनीता विल्यम्स अवकाशात अडकल्या आहेत का? हे प्रश्न उपस्थित केले जात आहेत कारण त्या 13 जून रोजी अंतराळातून पृथ्वीवर परतणार होत्या परंतु त्या अद्याप परतल्या नाही. त्याच्यासोबत आणखी एक अंतराळवीर बुच विल्मोरही तिथे अडकले आहे. हे दोघेही 5 जून रोजी स्टारलाइनर अंतराळयानातून अवकाशात गेले होते.
कधी परत येतील सुनीता विल्यम्स आणि बुच विल्मोर
स्टारलाइनरवरील हेलियम गळतीला त्यांच्या परतीच्या विलंबासाठी जबाबदार धरले जात आहे. सीबीएस न्यूजने आपल्या वृत्तात दावा केला आहे की, मिशन सुरू होण्यापूर्वी नासा आणि बोईंग या दोघांनाही याची माहिती होती. असे असूनही, त्यांनी या गळतीला मिशनसाठी एक किरकोळ धोका मानले. स्टारलाइनर हे बोइंगचे अंतराळयान आहे. नासा आणि बोईन्सच्या या निर्णयामुळे सुनीता विल्यम्स आणि बुच विल्मोर आंतरराष्ट्रीय अंतराळ स्थानकात (ISS) अडकले आहेत.
आता फक्त 27 दिवसांचे इंधन शिल्लक आहे.
दोन्ही अंतराळवीरांच्या सुरक्षित परतीसाठी अभियंते करताय प्रयत्न
बोईंगचे स्टारलाइनर प्रोग्राम मॅनेजर मार्क नप्पी म्हणतात की हीलियम सिस्टीम जशी डिझाइन केली होती तशी कामगिरी करत नाहीये. दोन्ही अंतराळवीरांच्या सुरक्षित परतीसाठी अभियंते काम करत असल्याचे त्यांचे म्हणणे आहे.
स्टारलाइनरमधून प्रथमच अंतराळवीर अंतराळात
स्टारलाइनरच्या माध्यमातून प्रथमच अंतराळवीराला अंतराळात नेण्यात आले आहे. बोईंगने नासासोबत 4.5 अब्ज डॉलरचा करार केला होता. या कराराशिवाय बोईंगने 1.5 अब्ज डॉलर्सही खर्च केले आहेत.
सर्व समस्यांचे निराकरण झाल्यावरच दोघांचे परतणे शक्य
स्टारलाइनरची इंधन क्षमता 45 दिवसांची आहे. हे मिशन सुरू होऊन 18 दिवस उलटले असून आता केवळ 27 दिवस उरले आहेत. सध्या नासा आणि बोईंग या दोन्ही कंपन्या सुनीता विल्यम्स आणि बुच विल्मोर यांच्या सुरक्षित परतीसाठी काम करत आहेत. जेव्हा सर्व समस्यांचे निराकरण होईल आणि अंतराळ यान परतीसाठी सुरक्षित मानले जाईल तेव्हाच दोघांचे परत येणे शक्य आहे.
सुनीता विल्यम्स तिसऱ्यांदा अंतराळात
59 वर्षांच्या सुनीता विल्यम्स यांनी यापूर्वी दोनदा अंतराळ प्रवास केला आहे. याआधी 2006 आणि 2012 मध्ये त्याअंतराळात गेल्या होती. नासाच्या म्हणण्यानुसार त्यांनी अंतराळात एकूण 322 दिवस घालवले आहेत.2006 मध्ये सुनीताने 195 दिवस अंतराळात आणि 2012 मध्ये 127 दिवस अंतराळात घालवले होते. 2012 च्या मिशनची खास गोष्ट म्हणजे सुनीताने तीनदा स्पेस वॉक केला होता. अंतराळवीर स्पेस वॉक दरम्यान स्पेस स्टेशनमधून बाहेर पडतात. पहिल्याच प्रवासात त्यांनी चार वेळा स्पेस वॉक केला.
सुनीता विल्यम्स या अंतराळ प्रवास करणाऱ्या भारतीय वंशाच्या दुसऱ्या महिला आहेत. त्यांच्या आधी कल्पना चावला अंतराळात गेल्या होत्या.