Infinix ZeroBook Ultra: इंटेलच्या पावरफुल प्रोसेसरसह नवा लॅपटॉप आला भारतात; किंमत आहे परवडणारी

Infinix नं भारतात ZeroBook Ultra लॅपटॉप लाँच केला आहे. यात Intel Core Ultra 9 पर्यंत प्रोसेसर देण्यात आले आहेत. हा लॅपटॉप आर्टिफिशियल इंटेलिजेंस (AI) फीचर्ससह आला आहे. हा विंडोज 11 होम आउट-ऑफ-द-बॉक्सवर चालतो. यात 15.6 इंच फुल HD+ IPS डिस्प्ले आहे. या लॅपटॉपची 70 Wh ची बॅटरी USB Type-C पोर्टच्या माध्यमातून 100W स्पीडने चार्ज केली जाऊ शकते.

इनफिनिक्स लॅपटॉपची किंमत

या लॅपटॉपच्या Core Ultra 5 प्रोसेसर असलेल्या व्हेरिएंटची किंमत 59,990 रुपये, Core Ultra 7 चा 69,990 रुपये आणि Core Ultra 9 व्हेरिएंट 84,990 रुपयांचा आहे. याची विक्री ई-कॉमर्स साइट Flipkartच्या माध्यमातून 10 जुलैपासून केली जाईल. फ्लिपकार्टनं हा लॅपटॉप को HDFC बँकेच्या कार्ड्सवर खरेदी करणार्यांना 2,000 रुपयांपर्यंतच्या डिस्काउंटची घोषणा केली आहे. यावर 20,000 रुपयांपर्यंतचा एक्सचेंज डिस्काउंट देखील मिळू शकतो.

Infinix ZeroBook Ultra चे स्पेसिफिकेशन्स

हा लॅपटॉप विंडोज 11 होमवर चालतो. यात 15.6 इंचाचा फुल HD+ (1,080 x 1,920 पिक्सल) IPS डिस्प्ले 400 निट्स पीक ब्राइटनेस लेव्हलसह आला आहे. याची स्क्रीन 178 डिग्री व्युइंग अँगलसह आली आहे. यात Intel Core Ultra 9 पर्यंत प्रोसेसर Intel Arc ग्राफिक्ससह आहेत. हा प्रोसेसर AI फीचर्ससाठी Intel AI Boost Neural Processing Units (NPU) सह आला आहे. यात 32 GB पर्यंतचा LPDDR5X RAM आहे. हा लॅपटॉप गेमिंगसाठी 60 fps देऊ शकतो. यात थर्मल मॅनेजमेंटसाठी ICE Storm 2.0 कूलिंग सिस्टमचा वापर करण्यात आला आहे.

ZeroBook Ultra मध्ये दोन USB 3.0 पोर्ट, दोन USB Type-C पोर्ट, SD कार्ड स्लॉट, 3.5 mm ऑडियो जॅक आणि HDMI 1.4 पोर्ट आहे. यात कनेक्टिव्हिटीसाठी ब्लूटूथ आणि Wi-Fi चे ऑप्शन आहेत. या लॅपटॉपमध्ये व्हिडीओ कॉलसाठी फुल HD वेबकॅम देण्यात आला आहे. यात दोन मायक्रोफोन DTS ऑडियो प्रोसेसिंगसह आले आहेत. या लॅपटॉपमध्ये बॅकलिट चिकलेट कीबोर्ड आहे. याची 70Wh ची बॅटरी 100W फास्ट चार्जिंगला सपोर्ट करते सोबत अ‍ॅडॅप्टरही देण्यात आला आहे. ही बॅटरी पूर्ण चार्ज झाल्यावर 13 तासांपर्यंत 1080p व्हिडीओ प्लेबॅक किंवा 10 तासांपर्यंत वेब ब्राउजिंग केली जाऊ शकते. अलीकडेच Infinix नं Note 40 5G लाँच केला होता. याच्या फ्रंटला सेल्फी आणि व्हिडीओ कॉलसाठी 32 मेगापिक्सलचा कॅमेरा आहे.