सामाजिक कार्यकर्त्या मेधा पाटकरांना कोर्टाचा दणका! पाच महिन्याचा सुनावला तुंरुगवास

Medha Patkar : महाराष्ट्रात चळवळीतील कार्यकर्ता म्हणून ओळख असणाऱ्या मेधा पाटकर यांच्याविरोधात कोर्टान निकाल दिला असून वी के सक्सेना मानहानी खटल्यात पाटकर यांना पाच महिन्याचा तुंरुगाची शिक्षा सुनावण्यात आली आहे, यासह कोर्टाने वी के सक्सेना यांना दहा लाखांची रक्कम नुकसान भरपाई म्हणून देण्याचे निर्देश दिले आहेत.

कोर्टाने त्यांचे वय आणि प्रकृतीची परिस्थिती पाहत त्यांना जास्त शिक्षा देता येणार नाही असे घोषित केले तसेच पाटकर यांनी सुद्धा कोर्टासमोर लगेच जामिनासाठी अर्ज दाखल केला आहे. कोर्टाने एका महिना आधीच मेधा पाटकर यांना दोषी ठरवले होते त्याचा निकाल राखून ठेवला होता, आज कोर्टाने निकाल दिलाय. केवीआईसी अध्यक्ष वी के सक्सेना जे सध्या दिल्लीच्या उपराज्यपाल म्हणून पदभार सांभाळत आहेत, त्यांनी मेधा पाटकर यांच्याविरोधात तक्रार दाखल केली होती.
सरकारी योजना लागू करण्याची घाई का? ‘हक्कभंग दाखल करा’ विधानसभेत जयंत पाटलांची मागणी

नेमके प्रकरण काय?

साधारण २३ वर्ष जुने प्रकरणात मेधा पाटकर यांना आता शिक्षा झाली. २००२ साली नर्मदा बचाओ आंदोलनात वी के सक्सेना आणि मेधा पाटकर वाद समोर आला होता. मेधा पाटकर यांनी वी के सक्सेना यांच्याबद्दल अपमानजनक शब्द आणि आरोप केले आहेत असा दावा करत वी के सक्सेना यांनी पाटकरांविरोधाच मानहानीचा दावा ठोकला होता.

काय म्हणाल्या होत्या मेधा पाटकर

मेधा पाटकर यांनी वी के सक्सेनावर आरोप करताना “वी के सक्सेना देशभक्त नसून एक भित्रा माणूस आहे, हवाला व्यवहारात यांचा संबंध आहे” असा आरोप मेधा पाटकर यांनी केला होता. कोर्टाने हे विधान मानहानीजनक मानले असून समाजात त्याची प्रतिमा विधानाने डागळली जाते असे मत नोंदवले आहे.या संपूर्ण प्रकरणावर मेधा पाटकर यांची सुद्धा प्रतिक्रिया आली आहे. सत्य कधीच हरत नाही, मी कोणावरही मानहानीजनक टिप्पणी केली नाही मी माझे काम करत राहिले, कोर्टाच्या निर्णयाविरोधात उच्च न्यायालयात जाईन अशी प्रतिक्रिया मेधा पाटकर यांनी दिली आहे.