Talibani Punishment: ही कसली न्याय सभा? भर बैठकीत विवाहितेला काठीने जबर मारहाण, घोळका बघत उभा

कोलकाता: पश्चिम बंगालच्या उत्तर दिनाजपूर येथून एक धक्कादायक बातमी समोर आली आहे. येथे एक व्यक्ती एका तरुण-तरुणीला काठीने मारहाण केल्याची घटना घडली आहे. आधी तरुणीला खाली पाडत जबर मारहाण केली, मग तिच्या पार्श्वभागावर वारंवार काठीने वार करत होता. रस्त्यावर तडफडणारी तरुणीची मदतीची याचना करत होती. तेवढ्यात एक महिला तिच्या मदतीला आली. या भयानक घटनेने लोकांमधून संताप व्यक्त होतो आहे.

ही घटना उत्तर दिनाजपूर येथील चोपडाच्या लक्ष्मीपूर गावातील असल्याची माहिती आहे. येथे एका जोडप्याविरोधात अवैध संबंध ठेवल्याच्या आरोपाखाली मध्यस्थता बैठक ठेवण्यात आली होती. स्थानिक सूत्रांनी दिलेल्या माहितीनुसार, पीडित तरुणी त्याच गावातील राहणारी आहे. ती विवाहित असून तिचे या तरुणासोबत विवाहबाह्य संबंध होते. याप्रकरणी मध्यस्थना बैठक बोलावण्यात आली होती. त्यानंतर काही लोकांनी या दोघांना बांधलं आणि मग त्यांना जबर मारहाण करण्यात आली.
Bhushi Dam: कुटुंबासह वाहून गेली, अर्ध्यात सापडलेल्या चिमुकलीच्या हृदयाचे ठोके बंद, दोन डॉक्टरांकडून जीवनदान

संतापजनक व्हिडिओ समोर

या घटनेचा जो व्हिडिओ समोर आला आहे तो अत्यंत संतापजनक आहे. यामध्ये जेव्हा या महिलेला मारहाण होत होती तेव्हा ती मदतीसाठी याचना करत होती. पण, तिच्या सभोवताल घोळका करुन उभे असलेले कोणीही तिच्या मदतीला आलं नाही. मग, एक महिला मारहाण करणाऱ्या व्यक्तीला थांबवण्यासाठी पुढे आली. इतकंच नाही तर या घटनेबाबत कोणी बोलायला देखील तयार नाही. ही घटना शुक्रवारची असल्याची माहिती आहे. या मध्यस्थी बैठकीचं नाव इंसाफ सभा ठेवण्यात आलं होतं.

सोशल मीडियावर या घटनेवरुन संताप व्यक्त केला जात आहे. या घटनेची तुलना लोकांनी तालिबानशी केली आहे. तर तृणमूल काँग्रेसचे अध्यक्ष कन्हैया लाल यांनी याबाबत बोलताना संगितलं की, त्यांनी याबाबत पोलिसांना फोन करुन सूचना दिल्या आहेत, जे कोणी दोषी असतील त्यांच्याविरोधात कारवाई व्हावी.

तसेच, इस्लामपूर जिल्ह्याचे पोलिस अधीक्षक जोबी थॉमस यांनी दिलेल्या माहितीनुसार, या घटनेची माहिती मिळाली आहे. पोलिसांनी गुन्हा दाखल करत कारवाई सुरु केली आहे. व्हिडिओच्या माध्यमातून अनेकांची ओळख पटली आहे. ज्यांनी कायदा हाती घेतला आहे त्यांच्यावर कारवाई केली जाईल, असं आश्वासनही त्यांनी दिलं आहे.