मैत्रीत दगा! ५६ वर्षीय पुरुषावर मित्राकडून अत्याचार, घरही लुटलं, मग कहाणीत ट्विस्ट…

बंगळुरू : बंगळुरूच्या मदनैयकानहल्ली मधून संतापजनक घटना समोर आली आहे. बंगळुरु शहराच्या बाहेरील एका व्यक्तीने शहरातील आपल्या ओळखीच्या पुरुषावर त्याच्या राहत्या घरी बलात्कार केला आहे आणि त्याच्या घरावर दरोडा सुद्धा टाकला आहे. पीडित व्यक्ती ही एचआयव्ही पॉझिटिव्ह असल्याचे धक्कादायक वृत्त आहे.

पोलिसांच्या माहितीनुसार, ५६ वर्षीय पीडित व्यक्ती हा एका एनजीओमध्ये काम करत होता. यादरम्यान वर्षभरापूर्वी त्यांची आरोपी श्याम पाटील याच्याशी मैत्री झाली होती. पाटील यांनी आपण देखील क्षयरोग या गंभीर आजाराने ग्रस्त असल्याचे सांगत पीडित व्यक्तीचा विश्वास संपादन केला आणि त्यांच्याशी आपली जवळीक वाढवली. यातच पाटीलला पीडित व्यक्तीचे कुंटुंबीय गावाला गेल्याचे समजले आणि त्याने याचाच फायदा घेतला.
Solapur News: दारू प्यायल्यानंतर दोघांत वाद, डोक्यात दगड घालून मित्राला संपवलं, घटनेनं सोलापूर हादरलं
पीडित व्यक्ती एकटी असल्याचे समजताच आरोपी पाटील त्यांच्या घरी पोहोचला. त्याने पीडित व्यक्तीच्या रसाच्या ग्लासात झोपेच्या गोळ्या टाकल्या आणि तो रस त्यांना प्यायला दिला. ते बेशुद्ध पडताच पाटीलने त्यांच्या चेहऱ्यावर औषध फवारले, ज्यामुळे ते पूर्णपणे असाहाय्य झाले. त्यानंतर आरोपी पाटीलने याचा फायदा घेत त्याच्यावर बलात्कार केला आणि कपाटात ठेवलेला सोने आणि पैशांवर देखील डल्ला मारला. ८८ ग्रॅम सोने, २० हजारांची रोकड आणि मोबाईल असा ऐवज त्याने लंपास केला आणि पसार झाला.
Talibani Punishment: ही कसली न्याय सभा? भर बैठकीत विवाहितेला काठीने जबर मारहाण, घोळका बघत उभा
पीडित व्यक्ती दुसऱ्या दिवशी सकाळी शुद्धीत आल्यावर त्याला समजले की, आपल्यावर लैंगिक अत्याचार झाला आहे आणि आपल्या घरावर दरोडा देखील टाकला आहे. यानंतर त्यांनी त्वरीत मदननायकनहल्ली पोलीस ठाण्यात धाव घेतली आणि श्याम पाटीलच्या विरोधात तक्रार दाखल केली. पोलीस आरोपी श्याम पाटील याचा शोध घेत असून पुढील तपास सुरु आहे.