Tax Refund SMS Scam: टॅक्स रिफंडचा हा मेसेज करू शकतो तुमचं अकाऊंट खाली; अशी घ्या काळजी

रिफंडचा मेसेज

गुरुग्राममध्ये राहणारे ४२ वर्षीय नरेश कुमार (नाव बदलले आहे) यांनाही असाच मेसेज आला, की त्यांचे 15,490 रुपये परत केले जातील, त्या मेसेजमध्ये सायबर गुन्हेगारांनी एक बनावट खाते क्रमांक देखील दिला. मेसेजमध्ये तुम्हाला रिफंडसाठी तुमचा बँक खाते क्रमांक अपडेट करायचा असेल तर या लिंकवर क्लिक करा, असे लिहिले होते. हा मेसेज सर्व्हर कोडवरून आला नसून फोन नंबरवरून आला असल्याने नरेशजींना संशय आला हा मेसेज बनावट असल्याचे त्यांच्या सायबर तज्ज्ञ मित्राने सांगितल्यावर त्यांनी तत्काळ सायबर सेलला माहिती दिली.

सायबर गुन्ह्यांची नवी युक्ती

आणखी एका व्यक्ती संदर्भातील प्रकरणात कर्नाटकच्या आयकर विभागाच्या उपायुक्तांनी एक ईमेल जारी केला होता ज्यामध्ये असे लिहिले होते की, 41,104 रुपयांचा रिफंड थकीत आहे रिफंड मंजूर झाला नाही. रिफंड मिळविण्यासाठी,संबंधित लिंकवर क्लिक करून तपशील दुरुस्त करा. मेल पाठवणाऱ्या पत्त्याबद्दल संशय आला आणि संबंधितानेही सायबर सेलला कळवले.

सायबर गुंडांचे वाढते मनोबल

सायबर गुन्ह्यांमध्ये फक्त तुमची सतर्कता तुम्हाला वाचवू शकते. कारण एकीकडे त्यांना पकडणे थोडे कठीण आहे आणि दुसरीकडे ही प्रकरणे फारच अवघड आहेत. यामुळेच या सायबर ठगांना लोकांची फसवणूक करण्याची अजिबात भीती वाटत नाही.

हंगामी फसवणूक करणारे

सायबर सिक्युरिटी ऑफिसर राजकुमार सांगतात की, सायबर ठग सध्या सुरू असलेल्या प्रत्येक परिस्थितीचा फायदा घेण्याचा प्रयत्न करतात. आज आयकर रिटर्नची वेळ चालू असताना त्यांनी ही युक्ती वापरण्यास सुरुवात केली आहे

कशी होते ही फसवणूक

हे सायबर ठग तुम्हाला तुमची माहिती देऊ शकणाऱ्या लिंकवर क्लिक करायला सांगतात. तुम्ही ही लिंक किंवा दिलेला नंबर डायल करताच तुमचा फोन हॅक होतो आणि ते तुमचे बँक खाते आणि फोन डेटा ऍक्सेस करू शकतात. फोन हॅक केल्यानंतर ते तुमचे बँक खाते रिकामे करतात किंवा तुमच्या नावाने तुमच्या संपर्काकडून पैसे मागतात आणि तुमचा नंबर पाहून लोक पैसेही पाठवतात.

आयकर विभाग असे संदेश पाठवत नाही

बहुतांश लोकांना त्यांचा रिफंड जुलै-ऑगस्ट महिन्यात मिळत असल्याने लोक अशा मेसेजवर विश्वास ठेवतात, पण हे लक्षात घेण्यासारखे आहे की, आयकर रिफंडच्या बाबतीत असे मेसेज पाठवत नाही तर ते तुम्ही भरलेल्या आयकर रिटर्नवर प्रक्रिया केली गेली आहे आणि जर तुमच्याकडे कोणताही रिफंड असेल तर त्यावर प्रक्रिया केली गेली असल्याचे सांगतात

सर्व्हर कोड बघा

एसीपी, सायबर क्राईम, नोएडा, विवेक रंजन राय यांनी सांगितले की, अशा कोणत्याही मेसेजच्या लिंकवर क्लिक करण्यापूर्वी, मेसेज आयकर विभागाकडून आला आहे की नाही याची पडताळणी करणे आवश्यक आहे. कारण जर आयकर विभागाकडून संदेश पाठवला गेला तर त्यांच्याकडे स्वतःचा सर्व्हर कोड आहे.जसे की , AX-HDFCBK, JD-DOTDEL, JM-ICICIT, TM-KOTAKB ही अशा मेसेजची काही उदाहरणे आहेत

आयकर साइटवर जा

काही शंका असल्यास, तुम्ही इन्कम टॅक्सच्या साइटवर जाऊन तुम्ही दाखल केलेले रिटर्न तपासू शकता, यासाठी तुम्हाला कोणत्याही लिंकवर क्लिक करण्याची गरज नाही, आयकर विभाग अशी कोणतीही लिंक पाठवत नाही ज्यावर क्लिक करून रिफंडची प्रक्रिया केली जाऊ शकते.

सायबर फसवणूक कशी टाळायची

आजकाल वाढत्या सायबर गुन्ह्यांचा विचार करता तुम्ही कोणत्याही अनोळखी मेसेज, मेल किंवा फोनवर विश्वास ठेवू नये. तुम्ही प्रत्येक गोष्टीवर लगेच प्रतिक्रिया देणे टाळले पाहिजे. विचार करण्यासाठी थोडा वेळ घ्यावा व पडताळणी करावी.