Gujarat Building Collapse: गुजरातमध्ये ६ मजली इमारत कोसळली, दुर्दैवी घटनेत ७ जणांचा मृत्यू, अनेक जण अजूनही ढिगाऱ्याखाली

सूरत : गुजरातमधील सूरत शहरात एक मोठी घटना घडली आहे. सूरतमध्ये असलेल्या सचिन भागात ६ मजली इमारत कोसळली आहे. या दुर्दैवी घटनेत इमारतीच्या ढिगाऱ्याखाली अनेक लोक गाडले गेले आहेत. तर ७ जणांचा मृत्यू झाला आहे. येथे बचाव पथक दाखल झाली असून ढिगाऱ्याखालील सात मृतदेहांना बाहेर काढण्यात आले आहे. तर आणखी लोक दबले गेल्याची भीती आहे. बचाव पथक ढिगारा हटवून आणखी लोकांचा तपास करण्यात गुंतले आहेत.

सुरत महानगरपालिकेच्या (SMC) अंतर्गत येणाऱ्या या इमारतीचे बांधकाम फक्त ८ वर्षे जुने होते. २०१६ मध्ये बांधण्यात आलेल्या या बहुमजली इमारतीच्या बांधकामात चांगल्या प्रतीचे बांधकाम साहित्य वापरले गेले नाही का, असा प्रश्न आता उपस्थित केला जात आहे. सहा मजल्यांच्या या इमारतीत सहा कुटुंब राहत असल्याचे समोर आले आहे.
Hathras Stampede Case: हाथरस चेंगराचेंगरीतील मुख्य आरोपी अटकेत; १४ दिवसांची न्यायालयीन कोठडी
दरम्यान या दुर्घटनेत १५ पेक्षा जास्त जण जखमी झाले असल्याची माहिती समोर येत आहे. घटनेची माहिती मिळताच पोलीस आणि बचाव पथकांनी घटनास्थळी दाखल होऊन बचाव कार्याला सुरुवात केली आहे. जखमींना रुग्णालयात भर्ती केले जात आहे. तर ढिगाऱ्याखाली दबलेल्या अन्य लोकांना बाहेर काढण्यात येत आहे. मुसळधार पावसामुळे इमारत जीर्ण झाल्याने ही दुर्दैवी घटना घडल्याचे बोलले जात आहे पण अद्याप इमारत कोसळल्याचे मुख्य कारण समोर आलेले नाही.
बस चालकाला अचानक फिट, रस्त्यावरील वाहनांना जोरदार धडक, एसटी थेट गॅरेजमध्ये, अन्…
सुरतचे पोलिस आयुक्त अनुपम सिंह गेहलोत यांनी सांगितले की, इमारत कोसळल्याची माहिती मिळाल्यानंतर बचावकार्य सुरू करण्यात आले आहे. ढिगाऱ्याखाली अडकलेल्या लोकांना बाहेर काढण्यासाठी मदत आणि बचावकार्य सुरू आहे. एनडीआरएफची टीम लोकांना वाचण्यासाठी पूरेपूर प्रयत्न करत आहे. ही इमारत २०१७-१८ मध्ये बांधण्यात आली होती. ती जीर्ण झाल्याने सुरत महापालिकेने ती रिकामे करण्याचे आदेशही दिले होते. इमारतीत राहणाऱ्या बहुतांश लोकांनी ती रिकामी केली होती, मात्र अजूनही ५ ते ६ कुटुंबे तेथे राहत होती. इमारतीचा मालक परदेशात राहत असल्याचे सांगण्यात येत आहे.