Anant Ambani Radhika Merchant Wedding : अनंत अंबानी- राधिक मर्चंटचे वैवाहिक आयुष्य कसे असेल? काय सांगते कुंडलीतील भविष्य

By tejpolicetimes Last updated Jul 10, 2024

Anant Ambani Radhika Merchant Wedding Horoscope :

१२ जुलै रविवारी अनंत अंबानी आणि राधिका मर्चंट यांचा शाही विवाह सोहळा संपन्न होणार आहे. सध्या त्यांच्या लग्नापूर्वीचे काही विधी उत्साहात सुरु असून त्याचे व्हिडीओ देखील मोठ्या प्रमाणात व्हायरल होत आहे. परंतु, लग्नानंतर अनंत आणि राधिकाचे वैवाहिक आयुष्य कसे असेल? त्यांच्या कुंडलीतील ग्रहानुसार भविष्य कसे असेल जाणून घेऊया.

अनंत अंबानींची लग्न रास वृश्चिक असून राशी कर्क आहे. वृश्चिक राशीचा स्वामी मंगळ दुर्बल आहे. तर भाग्यस्थानात चंद्राच्या राशीत तो भाग्येश विराजमान आहे. लग्नेश आणि भाग्येश यांचा संबंध भाग्यस्थानात असून गुरु देखील स्थित आहे. त्यामुळे त्यांचा जन्म एका समृद्धी आणि चांगल्या कुटुंबात झाला आहे.
अनंत आणि राधिकाच्या वैवाहिक जीवनाबद्दल सांगायचे झाले तर त्यांचे लग्न १२ जुलै २०२४ रोजी होणार आहे. ज्योतिषशास्त्राच्या मते लग्नानंतरचा काळ कसा असेल पाहूया.

अनंत अंबानींच्या कुंडलीत सध्या शुक्राची महादशा आणि बुद्धाची अंतरदशा सुरु आहे. बुध त्याचा आठवा स्वामी असून पाचव्या भावात असल्यामुळे सूर्याशी संयोग घडत आहे. तसेच शुक्र-शनिच्या संयोगात असल्यामुळे शुभसंयोग घडून येईल. त्यांच्या कुंडलीनुसार लग्नकाळात शुक्र-बुधचा काळ या दिवशी असेल.
बुध हा त्यांचा ८ वा आणि १० वा स्वामी आहे. त्यामुळे लग्नानंतर काही प्रमाणात आरोग्याच्या समस्या उद्भवतील. प्रगतीच्या बाबतीत सांगायचे झाल्यास लग्नानंतर उन्नती होईल. शुक्र आणि शनि हे सुख घरात असल्याने वैवाहिक जीवन सुख असेल.

1. वैवाहिक जीवनात आनंद मिळेल

वैवाहिक जीवन आणि व्यवसायात वाढ होईल. आरोग्याच्या अडचणी येतील. फुफ्फुसांशी संबंधित समस्या उद्भवू शकतात. ग्रहांच्या संक्रमणामुळे २०२७ पर्यंत आरोग्याच्या समस्यांचा सामना करावा लागू शकतो.

2. 2028 पासून काळ अधिक आनंददायी असेल

२०२८ नंतर पुढील ७ वर्ष सूर्याची महादशा राहिल त्यामुळे करिअरसाठी हा काळ उत्तम असेल. सूर्य पाचव्या घरात बुधासोबत असल्याने बुधादित्य योग तयार होईल. तसेच त्याचा आठवा स्वामीही बुध आहे. ज्यामुळे व्यवसायात पुढे जाण्यास मदत होईल. आरोग्य चढ-उतारांचे असेल.
त्यानंतर राहूचा कुंभ राशीत प्रवेश होईल. ज्यामुळे आरोग्याच्या समस्या अधिक वाढू शकतता. जन्म राशीनुसार राहू चौथ्या भावात आहे. त्यामुळे आरोग्याची विशेष काळजी घ्या. तर केतू कर्क राशीत सातव्या घरात गुरु, मंगळ, राहू आणि बुध चढत्या राशीत तर शुक्र चौथ्या भावात स्थित आहे.

3. लग्नानंतरचा काळ कठीण जाईल

गुरुची केतूवर पूर्ण दृष्टी असल्याने राधिका मर्चंट या काळात आध्यात्मिक गोष्टी अधिक रस दाखवेल. परंतु, २०२७ मध्ये शुक्रात केतूची महादशा आहे. त्यामुळे हा काळ थोडा कठीण असेल. कुंडलीत मंगळ प्रारब्ध स्थानात स्थित आहे. तसेच शुक्र ग्रह देखील सोबत आहे. त्यामुळे प्रेमसंबंध अधिक दृढ होतील. दोघेही एकमेकांसाठी भाग्यवान ठरतील.
टीप : सदर कुंडली ही ग्रहांच्या आधारांवर तयार करण्यात आली आहे. महाराष्ट्र टाइम्स याबद्दल कोणताही दावा करत नाही.

Source link