Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Samsung Galaxy Z Fold 6: आयफोनला टक्कर देणाऱ्या सॅमसंगच्या नव्या फोल्डेबल फोनमध्ये आहे तरी काय? जाणून घ्या किंमत
Samsung Galaxy Z Fold 6: सॅमसंगची नवीन फोल्डेबल सीरिज जागतिक बाजारात आली आहे आणि दोन्ही मॉडेलमध्ये जबरदस्त बदल पाहायला मिळाले आहेत. यातील फोल्ड मध्ये नवीन प्रोसेसर, सुधारित प्रोटेक्शन, गॅलेक्सी एआय आणि ब्राइट डिस्प्ले मिळत आहे.
नवीन काय आहे?
गॅलेक्सी झेड फोल्ड 6 गेल्यावर्षी आलेल्या Galaxy Z Fold 5 ची जागा घेईल. कंपनीनं डिजाइन आणि लूक मध्ये बदल केला नाही परंतु स्पेसिफिकेशन्स मध्ये मोठा बदल करण्यात आलेला आहे. यात आर्मर अल्युमिनियम 2 आणि कॉर्निंग गोरिल्ला ग्लास विक्टस 2 ची सुरक्षा देण्यात आली आहे. जुन्या मॉडेलच्या तुलनेत हलका आहे आणि याचे वजन 239g असून गॅलेक्सी झेड फोल्ड 5 चे वजन 253g होते. 
Samsung Galaxy Unpacked Event 2024: फोल्डेबल फोनचा किंग पुन्हा घेऊन येतोय दमदार फोन; गॅलेक्सी झेड फोल्ड 6 सोबत ‘हे’ गॅजेट्स देखील आज होतील लाँच
कंपनीच्या Galaxy S24 सीरिज प्रमाणे Galaxy Z Fold 6 मध्ये देखील Galaxy AI चा समावेश करण्यात आला आहे. त्याचबरोबर यात ‘नोट असिस्ट’ एआय फिचर देण्यात आलं आहे, जे ट्रान्सलेशन, समरीज आणि ऑटो फॉरमॅटिंग सारखी कामं करू शकतं. तसेच ‘स्केच टू इमेज’ फिचर देखील मिळतं.
स्पेसिफिकेशन्स
सॅमसंग गॅलेक्सी झेड फोल्ड 6 मध्ये 7.6 इंचाचा QXGA+ डायनॅमिक अ‍ॅमोलेड 2एक्स इन्फिनिटी फ्लेक्स डिस्प्ले 120Hz रिफ्रेश रेटसह देण्यात आला आहे. त्याचबरोबर 6.3 इंचाचा एचडी+ डायनॅमिक अ‍ॅमोलेड 2एक्स 120Hz कव्हर डिस्प्ले आहे. दोन्ही डिस्प्ले 2,600 nits पीक ब्राइटनेसला सपोर्ट करतात. हा फोन क्वॉलकॉम Snapdragon 8 Gen 3 चिपसेटसह बाजारात आला आहे. त्याचबरोबर 12GB RAM आणि 1TB पर्यंतची स्टोरेज देण्यात आली आहे.
या फोल्डेबल फोनमध्ये एकूण पाच कॅमेरे आहेत. मागे ट्रिपल कॅमेरा सेटअप आहे, ज्यात 12MP चा अल्ट्रा वाइड कॅमेरा, 50MP वाइड अँगल कॅमेरा आणि 10MP टेलीफोटो सेन्सर आहे. तर फ्रंटला 10MP चा सेल्फी कॅमेरा आणि 4MP चा अंडर डिस्प्ले कॅमेरा आहे.
या नव्या सॅमसंगच्या फोल्डेबल फोनमध्ये 4,400mAh ची बॅटरी मिळते जी 25W फास्ट चार्जिंगला सपोर्ट करते. हा फोन IP48 वॉटर आणि डस्ट रेजिस्टन्ससह येतो. तसेच अँड्रॉइड 14 आधारित One UI 6.1.1 वर चालतो.
किंमत
गॅलेक्सी झेड फोल्ड 6 सध्या प्री ऑर्डरसाठी उपलब्ध झाला आहे. याची विक्री 24 पासून केली जाईल. याची किंमत 1,64,999 रुपयांपासून सुरु होते. हा फोल्डेबल फोन सिल्व्हर शॅडो, पिंक आणि नेव्ही कलरमध्ये विकत घेता येईल. तर फक्त कंपनीच्या वेबसाइटवरून क्राफटेड ब्लॅक आणि व्हाइट कलर खरेदी करता येईल.
लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा