How to Port Mobile Number: तुमच्या JIO किंवा Airtel सीमला BSNLमध्ये कसे पोर्ट कराल? जाणून घ्या स्टेप बाय स्टेप प्रोसेस

By tejpolicetimes On Jul 14, 2024

How to Port Mobile Number: मोबाईल नंबर पोर्ट करण्याचे नियम बदलले आहेत. अशा परिस्थितीत, रिचार्ज प्लॅन महाग झाल्यानंतर तुम्ही तुमचा मोबाइल नंबर पोर्ट करायचा असल्यास तुम्ही काही खास गोष्टींची काळजी घेतली पाहिजे, ज्यामुळे तुम्हाला खूप फायदा होऊ शकतो.

महाराष्ट्र टाइम्स.कॉम

रिचार्ज प्लॅनच्या वाढत्या किमतींनंतर आता खासगी टेलिकॉम आणि सरकारी टेलिकॉम कंपन्यांमध्ये स्पर्धा सुरू झाली आहे. चढ्या भावामुळे लोकांमध्ये नाराजी आहे. रिलायन्स जिओ, एअरटेल आणि व्होडाफोन आयडियाच्या अनेक ग्राहकांनी बीएसएनएल कंपनी स्वीकारली आहे. या सरकारी टेलिकॉम कंपनीच्या स्वस्त रिचार्ज प्लॅनने मोठ्या प्रमाणात ग्राहकांना आकर्षित केले आहे. बीएसएनएलचा रिचार्ज प्लॅन इतर कंपन्यांच्या तुलनेत खूपच स्वस्त मानला जातो ज्यांची व्हॅलिडिटी 28 दिवसांपासून ते 365 दिवसांपर्यंत असते.

Jio आणि Airtel च्या रिचार्ज प्लॅनमध्ये वाढ झाली आहे, त्यानंतर लोक स्वस्त रिचार्जसाठी BSNL चा पर्याय म्हणून विचार करत आहेत. महागड्या रिचार्ज दरम्यान, लोकांना मोबाईल नंबर पोर्टेबिलिटी (MNP) म्हणजेच BSNL मध्ये नंबर पोर्ट करण्याबद्दल माहिती घेणार आहोत. जर तुम्ही Jio आणि Airtel युजर्स असाल आणि तुमचे सिम BSNL मध्ये ट्रान्सफर करायचे असेल, तर हे करण्याची प्रोसेस जाणून घेऊया…

BSNL ला कसे पोर्ट करायचे

सर्वप्रथम तुम्हाला 1900 वर एसएमएस पाठवून मोबाईल नंबर पोर्ट करण्याची रिक्वेस्ट करावी लागेल.
यासाठी तुम्हाला मेसेज बॉक्समध्ये ‘PORT’ लिहून तुमचा 10 अंकी मोबाइल नंबर टाकावा लागेल आणि त्यानंतर स्पेस द्यावे लागेल.
जर तुम्ही जम्मू-काश्मीरचे युजर असाल तर तुम्हाला 1900 वर कॉल करावा लागेल.
त्यानंतर तुमचा मोबाईल नंबर पोर्ट करण्यासाठी तुम्हाला बीएसएनएलच्या सर्विस सेंटरमध्ये जावे लागेल, जिथे आधार कार्ड किंवा इतर आयडी डिटेल्स, फोटो आणि बायोमेट्रिक डिटेल्स तुमच्याकडून घेतले जातील.
यानंतर तुम्हाला नवीन बीएसएनएल सिम दिले जाईल. त्या बदल्यात तुमच्याकडून काही पैसे आकारले जाऊ शकतात.
त्यानंतर तुम्हाला एक विशेष नंबर पाठवला जाईल, ज्याच्या मदतीने तुम्ही मोबाईल नंबर सुरू करू शकाल.

MNP नियम

Jio आणि Airtel युजर्सना BSNL ला पोर्ट करण्याची प्रक्रिया सारखीच आहे.
भारतीय टेलिकॉम ऑथॉरिटीच्या नवीन नियमांनुसार, नवीन टेलिकॉम ऑपरेटरकडे जाण्यासाठी प्रतीक्षा कालावधी 7 दिवसांचा झाला आहे. म्हणजे सिमकार्डसाठी पोर्टमध्ये 7 दिवस थांबावे लागेल.
तुमची शिल्लक थकबाकी नसल्यास, तुमचा मोबाईल नंबर 15 ते 30 दिवसांत सुरू केला जाईल.

लेखकाबद्दलगौरव कुलकर्णीगौरव कुलकर्णी महाराष्ट्र टाईम्स येथे कन्सल्टंट डिजिटल कंटेंट प्रोड्युसर म्हणून कार्यरत आहे. २ वर्षांपासून डिजिटल मीडियाच्या माध्यमातून अनेक क्षेत्रांविषयी लिहित आहे. त्याने यापूर्वी लाइफस्टाइल व अर्थ विषयात लिखाण केले आहे. Times internet संचलित MENSXP आणि Mahamoney.Com येथे त्याने काम केले आहे. यासोबतच त्याला विज्ञान व टेक्नोलॉजी या विषयात विशेष रस आहे. याव्यरिक्त तो लेखक, कवी आणि दिग्दर्शक देखील आहे…. आणखी वाचा

Source link