Google Chrome: गुगल क्रोमची ही सिक्रेट सेटिंग वाचवते बॅटरी; ब्राउजिंग होईल फास्ट

Google Chrome चा एनर्जी सेव्हर आणि मेमरी सेव्हर मोड

तुम्ही तुमच्या लॅपटॉपच्या बॅटरी वापराचा रिव्ह्यु केल्यास, तुम्हाला दिसेल की, Chrome सर्वात जास्त बॅटरी आणि मेमरी वापरते. परंतु तुम्ही Google Chrome च्या लेटेस्ट व्हर्जनमध्ये एनर्जी सेव्हर आणि मेमरी सेव्हर मोड वापरू शकता. Google Chrome चा एनर्जी सेव्हर मोड तुमच्या डिव्हाइसची बॅटरी कमी असताना बॅकग्राउंड ॲक्टिव्हिटी आणि व्हिज्युअल इफेक्ट लिमिटेड करून बॅटरीचे लाईफ वाचविण्यात मदत करतो. ब्राउझिंग करताना एकापेक्षा जास्त टॅब वापरणाऱ्या लोकांसाठी मेमरी सेव्हर मोड खूप उपयुक्त ठरू शकतो. गुगलच्या मते, ‘मेमरी सेव्हर मोड’ तुम्ही सध्या वापरत नसलेल्या टॅबमधून मेमरी मोकळी करते. जेणेकरून तुम्ही ब्राउझ करत असलेल्या ॲक्टिव्ह वेबसाइट्सना सर्वोत्तम अनुभव मिळेल.

याप्रमाणे मेमरी सेव्हर मोड करा ॲक्टिव्ह

• यासाठी आधी क्रोम ओपन करा.
• नंतर वरच्या उजव्या कोपऱ्यात तीन-बिंदू मेनूवर जा.
• नंतर सेटिंग्ज निवडा.
• यानंतर परफॉर्मन्स मेनू उघडा.
• नंतर एनर्जी सेव्हर टॉगल चालू करा.
• जर बॅटरी 20 टक्के कमी झाली किंवा कॉम्प्युटर अनप्लग झाला असेल तरच युजर्सना एनर्जी सेव्हर मोड चालू करण्याचा पर्याय मिळेल.

भारत सरकारचा हाय अलर्ट,गुगल क्रोमवर होऊ शकतो हल्ला

इंडियन कॉम्प्युटर इमर्जन्सी रिस्पॉन्स टीम (CERT-In) या भारत सरकारच्या संस्थेने Google Chrome OS बाबत एक चेतावणी जारी केली आहे. संगणकाशी संबंधित मोठे हल्ले रोखण्यासाठी CERT-In ही देशातील प्रमुख संस्था आहे. हे इलेक्ट्रॉनिक्स आणि माहिती तंत्रज्ञान मंत्रालयाच्या अंतर्गत काम करते. ते म्हणतात की, Chrome OS मध्ये काही असुरक्षा आहेत ज्या युजर्सचा कॉम्पुटरवर त्यांचा कोड चालवण्यासाठी चुकीचे लोक वापरतात.

काय म्हटले आहे चेतावणीत ?

1 जुलै रोजी जारी करण्यात आलेल्या इशाऱ्यात असे म्हटले आहे की, Google Chrome OS च्या जुन्या आवृत्तीमध्ये काही असुरक्षा आढळून आल्या आहेत. या असुरक्षिततेचा फायदा घेऊन, चुकीचा हेतू बाळगणाऱ्या व्यक्ती तुमच्या Chromebook वर कोणताही इच्छित कोड चालवू शकते. या भेद्यता विशेषत: Chrome OS च्या LTS चॅनेलमध्ये (जे उशीरा अपडेट प्रोव्हाईड करते) नोंदवल्या जातात.