कृष्णेत पोहण्याचा शहाणपणा नडला, तरुण पुराच्या पाण्यात अडकले, अर्धा तास थरार, पाहा VIDEO

स्वप्नील एरंडोलीकर, सांगली: सांगलीत कृष्णा नदी ही इशारा पातळीच्या आसपास आहे. अशातच पुलावरून नदीत उडी मारून पोहणाऱ्यांची संख्या देखील लक्षणीय आहे. कोणताही अनुचित प्रकार घडू नये यासाठी पोलिसांनी जमावबंदी लागू केली असतानाही काही हौशी तरुणांनी सांगलीच्या नवीन पुलावरून कृष्णा नदीत उडी मारून पोहण्याची स्टंटबाजी केली.

सदरची स्टंटबाजी या तरुणांना चांगलीच अंगलट आली. पाण्याचा प्रवाह मोठा असल्याने सदरचे तरुण हे वाहू लागले. सांगलीच्या सरकारी घाटावर असलेल्या विद्युत पोलला तरुणांनी पकडून त्याचा आधार घेतला. थंड पाणी, मोठा प्रवाह यामुळे या तरुणांना काय करावे काही कळत नव्हते.

सदरचा प्रकार कृष्णा काठावर असलेल्या नागरिकांच्या निदर्शनास येतात त्यांनी आरडाओरड सुरू केली. यावेळी पोहणाऱ्या काही तरुणांनी क्षणाचाही विलंब न करता कृष्णा नदी उडी घेऊन या तरुणांचा जीव वाचवला. हा रेस्क्यूचा थरार कॅमेऱ्यात कैद झाला आहे.
Akola Accident: राँग साईडने कार टाकली, ट्रकमध्ये घुसली, अकोल्यात भाजप कार्यकर्त्यांचा अपघात, दोघांचा मृत्यू

कृष्णेची पाणी पातळी ३८ फुटांवर

कृष्णा नदीची पाणी पातळी ३८ फुटांवर आहे. कोयना धरण पाणलोट क्षेत्रात सुरू असणाऱ्या मुसळधार पावसामुळे धरणातून मोठ्या प्रमाणात पाण्याचा विसर्ग सुरू केला आहे. परिणामी सांगलीमध्ये पूर सदृश्य स्थिती निर्माण झाली आहे. कृष्णा नदीच्या पाणीपातळीत झपाट्याने वाढ होत असल्याने पाणीपातळी सध्या ३८ फुटांवर गेली असल्याने इशारा पातळी सायंकाळपर्यंत गाठणार आहे.

याच पार्श्वभूमीवर प्रशासनाने नदीकाठच्या गावांना सतर्क राहण्याचा इशारा देण्यात आला आहे. त्याचबरोबर संभाव्य पुराची स्थिती ओळखता जिल्हा कारागृहातील सुमारे ८० कैद्यांच कोल्हापुर येथे स्थलांतरित करण्यात आला आहे. आणखी काही कायद्यांचं स्थलांतरित करण्यात येणार आहे. सांगलीतील मगरमच्छ कॉलनी, सुरवंशी प्लॉट, काका नगर या भागातील पूरग्रस्त कुटुंबीयांना महापालिकेच्या निवारा केंद्रामध्ये स्थलांतरित करण्यात आला आहे.

वारणा नदीला पूर, नदीवरील सर्व पूल पाण्याखाली

सांगलीच्या चांदोली धरण परिसरामध्ये गेली आठवड्यावर सतत धार अतिवृष्टीचा पाऊस पडत आहे. यामुळे वारणा नदीला पूर आला असून या नदीवरील सर्व पूल बंधारे पाण्याखाली गेलेले आहेत. तसेच काही गावांमध्ये या नदीचे पाणी आले आहे. त्यामुळे जनजीवन पूर्णपणे विस्कळीत झाले आहे. वारणा नदी काठावरील गावांनी या पुराचा धास्ती घेतली असून ग्रामीण भागात ग्रामस्थ आपल्या जनावरा सह स्थलांतर होत आहेत.

चांदोली धरण ८८.७३% भरले असून आत्तापर्यंत पर्यंत २२४३ मिलिमीटर पाऊस पडला असून १६,६२४ क्युसेकने या धरणात पाण्याची आवक होत आहे. तर धरणातून विद्युत ग्राहतून १३०५ आणि चार वक्र दरवाज्यातून ८८१२ असे एकूण मिळून १० हजार ११७ क्युसेकने पाणी वारणा नदी पात्रात सोडण्यात येत आहे. वारणा नदीकाठच्या नागरिकांना सतर्कतेचे आवाहन धरण प्रशासन यांच्याकडून करण्यात आले आहे. गावामध्ये दवडी दिली जात आहे. तर ११ बंधारे आणि ३ पूल पाण्याखाली गेले आहेत.

तर, सांगली महापालिका क्षेत्रातील एकूण १५६ कुटूंबातील ७१० लोकांचे स्थलांतर करण्यात आले आहे. सूर्यवंशी ,अरवाडे, इनामदार प्लॉट साईनाथ नगर, पंत लाईन या भागातील लोकांचे स्थलांतर करण्यात आले आहे.