Tej Police Times
१४ वर्षांनी घरात सुख, चार दिवसांत जुळ्या बाळांच्या वडिलांचं टोकाचं पाऊल, नेमकं काय घडलं?
नवी मुंबई: १४ वर्षांनी घरात पाळणा हलला. एका दाम्पत्याला जुळी मुलं झाली. पण, हे सुख जास्त काळ टिकलं नाही. बिलासाठी रुग्णालयाने वारंवार तगादा लावला, इतकंच नाही तर पैसे न दिल्यास बाळांचा उपचार थांबवण्याची धमकी दिली. त्यानंतर या जुळ्या मुलांच्या वडिलांनी टोकाचं पाऊल उचललं.
एका दाम्पत्याला १४ वर्षांनी अपत्य झाले ते ही जुळे. मात्र, त्यांची तब्येत नाजूक असल्याने त्यांना अतिदक्षता विभागात ठेवण्यात आले होते. ९० हजार भरूनही वारंवार बिल द्या असा तगादा रुग्णालयाने लावला होता. पैसे जमा न केल्यास बाळांचे उपचार थांबविण्यात येतील असं रुग्णालयाने सांगितलं. त्यामुळे तणावाखाली येऊन बाळांचे वडील नरेंद्र गाढे यांनी गळफास घेवून आत्महत्या केल्याची धक्कादायक घटना घडली आहे.
सुसाइड नोटमध्ये रुग्णालयावर आरोप
रूग्णालयाने वारंवार बिल भरण्यासाठी तगादा लावला होता. यातून नरेंद्र गाढे यांनी आत्महत्या करण्यापूर्वी सुसाइड नोट लिहून ठेवली आहे. या सुसाईड नोटमध्ये रूग्णालयाला जबाबदार धरण्यात आले आहे. नेरुळ येथील मनपा वाचनालयात सुरक्षा रक्षकाचे काम नरेंद्र गाढे करतात. त्यांना विवाह झाल्यानंतर तब्बल चौदा वर्षांनी अपत्य झाले. पत्नी आणि जुळ्या मुलांना उपचारासाठी नेरूळ येथील खाजगी रूग्णालयात उपचारासाठी ठेवले होते.
नेरुळ येथील मनपा वाचनालयात सुरक्षा रक्षकाचे काम नरेंद्र गाढे हे करत असून ते शिरवणे येथे राहतात. त्यांना विवाह झाल्यानंतर तब्बल चौदा वर्षांनी अपत्य झाले. जुळ्या मुलांना त्यांची पत्नी वंदना यांनी फर्टीलिटी आणि रिसर्च सेंटर रुग्णालय नेरुळ येथे जन्म दिला. चार दिवसांपूर्वीच त्यांना पोटात वेदना होत असल्याने रुग्णालयात दाखल केले होते. गुरुवारी त्यांना जुळी मुले झाली.
त्यांची तब्येत नाजूक असल्याने अतिदक्षता विभागात ठेवण्यात आले होते. मात्र, या बिलापोटी गाडे यांनी अगोदर ४५ हजार नंतर ९० हजार असं बिल भरलं होतं. मात्र, तरीही बिल वाढत चालल्याने त्यांनी आपल्या पत्नीचा डिस्चार्ज घेतला. दोन जुळी मुलं अद्याप अतिदक्षता विभागात उपचारार्थ ठेवण्यात आले होते.
मात्र, १ लाख ३५ हजार बिल भरल्यानंतर देखील त्यांना आणखी दीड लाख रुपये भरण्यासाठी डॉक्टरांकडून वारंवार फोन करून त्रास दिला जात होता. बिल भरले नाही तर तुमच्या मुलांचा व्हेंटिलेटर काढण्यात येईल अशी धमकी या डॉक्टरांकडून देण्यात येत होती. त्यामुळे नरेंद्र गाढे यांनी आत्महत्येसारखं टोकाचं पाऊल उचलल्याचा आरोप आहे. सध्या या प्रकरणात नेरुळ पोलिस ठाण्यात तक्रार दाखल करण्यात आली आहे.