Tej Police Times
मोठे बंधू सुभाष सावंत यांच्या अंत्यसंस्कार विधीत, आरोग्यमंत्री तानाजी सावंत ढसाढसा रडले
सोलापूर, इरफान शेख : महाराष्ट्र राज्याचे आरोग्यमंत्री प्रा.डॉ. तानाजीराव सावंत यांचे जेष्ठ बंधू वाकावचे माजी सरपंच सुभाष जयवंतराव सावंत यांचे काल शनिवारी (दि.२७) रोजी अल्पशा आजाराने दुःखद निधन झाले. ज्येष्ठ बंधूच्या निधनाने आरोग्य मंत्री तानाजी सावंत यांच्यावर दुःखाचा डोंगर कोसळला आहे. रविवारी सकाळी सावंत यांच्या मूळगावी त्यांच्यावर अंत्यसंस्कार करण्यात आले. ज्येष्ठ बंधूला अंतिम निरोप देताना आरोग्य मंत्री तानाजी सावंत यांना अश्रू अनावर झाले. भाऊ जयवंतराव सावंत यांच्या निधनाची बाब समजाताच तानजी सावंत यांना मोठा धक्का लागला.
मोठ्या बंधूमुळे राजकीय वारसा
राज्याचे मंत्री म्हणून आरोग्यमंत्री प्रा.डॉ. तानाजीराव सावंत यांची राज्यात ओळख आहे. पण तानाजी सावंत यांना राजकरणाचे बाळकडू घरातून मिळाले होते. तानाजी सावंत यांचे बंधू सरपंच होते, भावाच्या राजकीय कारकीर्दीत सुभाष सावंत यांचा सुद्धा मोठा सहभाग आहे. माढा तालुक्यातील वाकावचे सरपंच म्हणून सुभाष सावंत यांनी काम केले, अनेकांशी त्यांच ऋणानुबंध जुळला होता. सुभाष सावंत यांनी वाकाव सोबतच पंचक्रोशीतील सामाजिक आणि राजकिय क्षेत्रत सहभाग नोंदवला. वाकावच्या पंचक्रोशीतील अनेक प्रश्नांना वाचा फोडत, लोकांच्या समस्या सोडवण्याचा प्रयत्न केले. त्यांच्या अशा जाण्याने वाकावसहीत संपुर्ण पंचक्रोशीत तसेच आजूबाजूच्या गावामध्ये हळहळ व्यक्त होत आहे. त्यांचा अंत्यविधी वाकाव (ता. माढा, जि. सोलापूर) येथे रविवार (दि.२८) सकाळी ८:०० वाजता त्यांच्या मुळगावी संपन्न झाला आहे.
मोठ्या भावाला अंतिम निरोप देताना आरोग्य मंत्र्याना अश्रू अनावर
माढा तालुक्यातील वाकाव येथे सुभाष सावंत यांच्या पार्थिवावर रितीरिवाजात अंतिमसंस्कार करण्यात आले.आरोग्य मंत्री तानाजी सावंत,शिवाजी सावंतसह संपूर्ण सावंत परिवार अंत्यसंस्कारात शामिल झाले होते. मोठ्या भावाला अंतिम निरोप देताना आरोग्यमंत्र्याना अश्रू अनावर झाले होते. मोठे बंधू जयवंत सावंत यांना अनंतात विलीन होताना पाहून तानाजी सावंत यांनी आक्रोश केला. राज्याचे कार्यक्षम आरोग्यमंत्री म्हणून त्यांची ओळख असली तरी भावाबद्दल असलेले त्यांचे प्रेम पाहून अनेकांना अश्रू अनावर झाले.