Breaking News : वाचा बुधवार ३१ जुलै २०२४ च्या सर्व ब्रेकिंग न्यूज आणि महत्त्वाच्या बातम्या एकाच ठिकाणी

Rain Alert: रायगड रत्नागिरीला आज ऑरेंज अलर्ट, पालघरमध्येही मुसळधार बरसणार

रायगड, रत्नागिरीला हवामान विभागाकडून आज ऑरेंज अलर्ट देण्यात आला आहे. घाट परिसरातही गुरुवारपासून तुरळक ठिकाणी अतिमुसळधार पाऊस पडू शकतो, असा अंदाज आहे. जुलैमधील तीन आठवड्यांमध्ये राज्यात ठिकठिकाणी मुसळधार पावसाचा फटका बसला. त्या पार्श्वभूमीवर या आठवड्यातील पावसाच्या इशाऱ्याकडे अधिक लक्ष लागले होते. रायगड आणि रत्नागिरीला गुरुवारपासून ऑरेंज अलर्ट जारी करण्यात आला आहे, तर सिंधुदुर्गला शुक्रवारपासून ऑरेंज अलर्ट दिला आहे. या कालावधीत दक्षिण कोकणात मुसळधार ते अतिमुसळधार पावसाची शक्यता आहे. तर पालघर आणि ठाणे जिल्ह्याला शनिवारपर्यंत ऑरेंज अलर्ट देण्यता आला आहे.