Raigad News: बाईक चालवताना कुत्रा आडवा, १८ वर्षीय तरुण उभ्या टँकरला धडकला, नीलने प्राण सोडला

अमुलकुमार जैन, रायगड : रायगड जिल्ह्यातील महाड येथील डॉ. बाबासाहेब आंबेडकर कॉलेजसमोर मोटरसायकलच्यामध्ये कुत्रा आल्याने मोटरसायकलची उभ्या टँकरला धडक लागून १८ वर्षीय मोटरसायकलस्वार निल हेंद्रे याचा उपचारदरम्यान मृत्यू झाला आहे. मिळालेल्या माहितीनुसार, ३१ जुलै रोजी रात्री आठ वाजता निल हा महाड येथील शेडाव नायाकडून हॉटेल रिव्हर साईड विसावाच्या बाजूने सर्व्हीस रोडने महाडच्या दिशेने जात होता. डॉ. बाबासाहेब आंबेडकर कॉलेज समोरील पादचारी उड्डान पुलाच्या अलीकडे एक कुत्रा अचानक मोटरसायकलसमोर आला. त्यामुळे बाईक स्लीप होऊन महाड औद्योगिक क्षेत्रातील लक्ष्मी ऑरगॅनिक कंपनीत अल्कोहोल खाली करून बुटाला पेट्रोल पंपात डिझेल भरण्यासाठी जात असलेल्या टँकर क्र. एम ०९ एफ एल ४८२२ वर जाऊन धडकली.सर्व्हिस रोड येथे महाड तालुक्यातील दादली येथील १८ वर्षीय तरुण नील आचल हेंद्रे हा त्याची मोटरसायकल घेऊन जात असताना मोटारसायकलच्यामध्ये कुत्रा आल्याने मोटरसायकल घसरुन उभ्या असलेल्या टँकरला मोटरसायकलची धडक बसून भिषण अपघात झाला होता. या अपघातामध्ये महाड दादली येथील युवक निल आचल हेंद्रे वय वर्ष १८ हा गंभीररीत्या जखमी झाल्याने निल याच्यावर तातडीने महाड ग्रामीण रुग्णालयात प्राथमिक उपचार करून त्याला महाड येथील रानडे हॉस्पिटलमध्ये प्रथमोपचार करून अधिक उपचारासाठी मुंबई येथील अपोलो हॉस्पिटलमध्ये दाखल करण्यात आले होते.
MVA Dispute : नागपुरातील सहापैकी एकही मतदारसंघ मित्रपक्षांना सोडू नका, काँग्रेस नेत्यांच्या भूमिकेने खळबळ

अपघातामध्ये नील याच्या पायाला आणि डोक्याला जबर दुखापत झाल्याने निल याला वाचवण्यासाठी डॉक्टरांनी केलेल्या अथक प्रयत्नांना यश आलं नाही. अखेर निल याचा उपचारादरम्यान मृत्यू झाला. असल्याची माहिती महाड शहर पोलिसांनी दिली आहे.