बायकोचा जीव घेऊन आयुष्य संपवलं, पण मुलाचा गोंधळ उडू नये म्हणून किशोर पेडणेकरांनी केलेली सोय

मुंबई : गोरेगाव पश्चिम भागातील टोपीवाला सोसायटीमध्ये शुक्रवारी सकाळी पेडणेकर दाम्पत्याचे मृतदेह सापडले होते. किशोर पेडणेकर (वय ५६ वर्ष) यांनी पत्नी डॉ. राजश्री पेडणेकर (वय ५४ वर्ष) यांची गळा आवळून हत्या केल्यानंतर इमारतीवरुन उडी घेत आत्महत्या केल्याचा पोलिसांचा प्राथमिक अंदाज आहे. मात्र आत्महत्या-हत्या प्रकरणामागील नेमका हेतू काय होता, हे जाणून घेण्यासाठी पोलीस या प्रकरणाचा कसून तपास करत आहेत. धक्कादायक म्हणजे आपल्या मृत्यूची माहिती समजल्यावर मुलाला मोठा धक्का बसेल, त्यामुळे त्याची गडबड उडू नये, याची तजवीज आधीच किशोर पेडणेकर यांनी करुन ठेवल्याचं समोर आलंय.

आई-वडिलांसोबत घडलेल्या घटनेची माहिती मिळाल्यानंतर पेडणेकर दाम्पत्याचा एकुलता एक मुलगा मुंबईत आला. आई-वडिलांवर अंत्यसंस्कार झाल्यानंतर पोलीस त्याचा जबाब नोंदवणार आहेत.
Nashik Youth Drown : कालसर्प योगाची पूजा करताना रामकुंडाजवळ पाय घसरला, इंजिनिअर तरुण गोदावरीत वाहून गेला

काय होता मेसेज?

किशोर पेडणेकर यांनी आत्महत्येपूर्वी आपल्या नातेवाईकाला मेसेज केला होता. त्यात दोघांच्या बँक खात्याचे तपशील आणि मुलाच्या नावे नॉमिनेशन असल्याचे नमूद होते. विशेष म्हणजे मुलाला आपल्या मृत्यूची माहिती मिळाल्यानंतर त्वरित मुंबई गाठता यावं, यासाठी त्यांनी लेकाच्या नावे दिल्ली-मुंबई विमानाचं तिकीटही बूक केलं होतं.

डॉ. राजश्री पेडणेकर या फिजिओथेरेपिस्ट होत्या. त्यांचे मालाड येथे क्लिनिक आहे, तर किशोर पेडणेकर हे व्यायामशाळांना साहित्य पुरवण्याचा बिझनेस करत होते.
Wardha Student Suicide : परीक्षेला बसता येईना, I Quit चा मेसेज, MBBS विद्यार्थिनीची आत्महत्या, विद्यार्थ्यांचा कँडल मार्च
सोसायटीच्या आवारात असलेल्या एका बँकेच्या सुरक्षारक्षकाला शुक्रवारी पहाटे किशोर पेडणेकर बिल्डिंगखाली मृतावस्थेत आढळले होते. याबाबतची माहिती त्याने गोरेगाव पोलिसांना दिली. घटनास्थळी पोहोचल्यावर पंचनामा करत असताना पोलिसांना किशोर यांच्या गळ्यातील चेनमध्ये चावी दिसली.

पोलिसांनी त्यांच्या तिसऱ्या मजल्यावरील घराचा दरवाजा या चावीने उघडला असता त्यांच्या पत्नी राजश्री बेडरूममध्ये मृतावस्थेत आढळल्या होत्या. त्यांच्या गळ्यावर व्रण आढळल्याने किशोर यांनी पत्नीची हत्या करुन आत्महत्या केल्याचा अंदाज पोलिसांनी वर्तवला. किशोर मागील काही दिवसांपासून मानसिक तणावात असल्याचे बोलले जाते. यामुळेच त्यांनी आयुष्याचा अंत केल्याचा अंदाज आहे. परंतु मुलाच्या चौकशीत नेमकं कारण समोर येण्याची शक्यता आहे.