ठाकुर्लीला ओव्हरहेड वायर तुटली, लोकल वाहतुक ठप्प; आठवड्यात दुसऱ्यांदा रेल्वे विस्कळीत

डोंबिवली : ठाकुर्ली कल्याण रेल्वे स्थानकादरम्यान दुपारी अडीचच्या दरम्यान ओव्हरहेड वायर तुटल्याने मध्य रेल्वेची वाहतूक विस्कळीत झाली. यामुळे तब्बल एक तासापासून ठप्प झाली होती.दरम्यान रेल्वे प्रशासनाने ओव्हरहेड वायर दुरुस्तीचे काम सुरू आहे. दरम्यान ओव्हर हेड वायर तुटल्याने मोठा आवाज झाल्याने ट्रेन मधून प्रवास करणारे प्रवासी खूप घाबरलेत असे दिसते, याचा व्हिडिओ सुद्धा व्हायरल झाला आहे.

दरम्यान गाडी थोडी स्लो होताच घाबरलेल्या प्रवाशांनी चालू ट्रेन मधून खाली उतरून रेल्वे प्रवाशी लोकलमधून उतरुन प्रवास सुरू केला आहे. पुढील काही वेळात सदर दुरुस्तीचे काम पूर्ण होऊन विस्कटलेली रेल्वे वाहतूक व्यवस्था पूर्व पदावर येईल असा विश्वास रेल्वे अधिकाऱ्यांनी व्यक्त केला आहे.
Badlapur News: बदलापूर रेल्वे स्थानकावर अपघात टळला, ब्रेकफेल मालगाडी फलाट नंबर १च्या रुळावर; डाऊन मार्ग ३ तासांहून अधिक काळ बंद

पाच दिवसापूर्वी इंजिन फेलमुळे वाहतूक खोळंबली

इंजिनचे ब्रेक निकामी झाल्याने मालगाडी बदलापूरमधील गृह फलाटात शिरल्याची विचित्र घटना बुधवारी घडली. या फलाटावरून काही सेकंदांपूर्वीच एक लोकल मार्गस्थ झाल्याने मोठी दुर्घटना टळली. मात्र, गृह फलाटात शिरल्यानंतर मालगाडीचे इंजिन बंद झाल्याने अप आणि डाउन मार्गावरील रेल्वे वाहतूक ठप्प झाली.

पेणजवळील डोलवी येथून दक्षिण रेल्वे विभागातील कोरूक्कुपेट येथे जाण्यासाठी मालगाडी बुधवारी दुपारी रवाना झाली. दुपारी साडेचार वाजण्याच्या सुमारास ही मालगाडी बदलापूर स्थानक परिसरात पोहोचली. मालगाडीसाठी लाल दिवा असल्याने लोकोपायलटने ब्रेक कार्यान्वित करण्याचा प्रयत्न केला. मात्र ब्रेक निकामी झाल्याने ही मालगाडी बदलापूर गृह फलाटाच्या दिशेने गेली. काही अंतर गेल्यानंतर या मालगाडीचे इंजिन बंद पडल्याने अप आणि डाउन मार्गावरील रेल्वे वाहतूक पूर्णपणे बंद पडली होती, असे रेल्वे अधिकाऱ्यांनी सांगितले. रेल्वे प्रशासनाने युद्धपातळीवर काम करत मालगाडीचे इंजिन दुरुस्त केले व मालगाडी बाजूला काढली. दीड तासांच्या अथक प्रयत्नांनंतर रेल्वेसेवा सुरळीत करण्यात रेल्वे प्रशासनाला यश आले. यामुळे नऊ लोकल रद्द कराव्या लगल्या व १२ रेल्वेफेऱ्या अंशत: रद्द करण्यात आल्या होत्या तर, काही मेल-एक्स्प्रेस विलंबाने धावत होत्या.