Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
मुंबईकरांसाठी खुशखबर! म्हाडाच्या २०३० घरांसाठी लॉटरी; फॉर्म भरण्याची तारीख काय?
मुंबई : मुंबईकरांसाठी एक अतिशय आनंदाची बातमी आहे. ती म्हणजे, मुंबईत म्हाडाच्या २०३० घरांच्या सोडतीची जाहिरात ८ ऑगस्टला प्रसिद्ध होण्याची शक्यता आहे. तर सप्टेंबरच्या दुसऱ्या आठवड्यात सोडत जाहीर होण्याची शक्यता आहे. आचारसंहिता लागू होण्यापूर्वी सोडतीचा निकाल जाहीर करण्याचे मुंबई मंडळाचं नियोजन आहे. त्याचवेळी यंदा या सोडतीत अत्यल्प गटाची निराशा होण्याची शक्यता आहे. कारण या गटासाठी सर्वात कमी घरे उपलब्ध आहेत. मध्यम गटासाठी मात्र सर्वाधिक घरे उपलब्ध करून देण्यात आली आहेत.मुंबई मंडळाने ऑगस्ट २०२३ मध्ये ४०८२ घरांची सोडत काढली होती. या सोडतीत अत्यल्प गटासाठी अर्थात सर्वसामान्यांसाठी सर्वाधिक घरे होती. अंदाजे अडीच हजार घरे या गटासाठी उपलब्ध करुन देण्यात आली होती. सोडतीत सर्वाधिक मागणी अत्यल्प गटासाठी असते अशावेळी यंदा मात्र या गटासाठी सर्वात कमी घरांचा समावेश असल्याची माहिती मंडळातील वरिष्ठ अधिकाऱ्याने दिली. मात्र त्याचवेळी मध्यम आणि अल्प गटासाठी सर्वाधिक घरे आहेत. मध्यम गटासाठी ७५० हून अधिक घरे असणार असून अत्यल्प गटासाठी ६०० हून अधिक घरे असण्याची शक्यता आहे. एकूण २०३० घरांसाठी सोडत काढण्यात येणार असून याला म्हाडा उपाध्यक्ष संजीव जयस्वाल यांनी दुजोरा दिला आहे.
विधानसभा निवडणुकीच्या आधी मुंबईसह राज्यातील सोडत जाहीर व्हावी यासाठी राज्य सरकार आग्रही आहे. त्यामुळे मुंबई मंडळाने आता जाहिरातीच्या कामाला वेग दिला आहे. त्यानुसार आता जाहिरात प्रसिद्ध करण्याचे काम अंतिम टप्प्यात असून ८ ऑगस्टला जाहिरात प्रसिद्ध होणार असल्याची माहिती मंडळातील सूत्रांनी दिली. जाहिरात प्रसिद्ध झाल्यानंतर तात्काळ अर्जविक्री-स्वीकृतीला सुरुवात होण्याची शक्यता आहे. तर आचारसंहिता लागू होण्याआधीच सोडतीचा निकाल जाहीर करणे आवश्यक असल्याने ऑगस्टच्या दुसऱ्या आठवड्यात निकाल जाहीर केला जाण्याची शक्यता आहे. अद्याप सोडतीची तारीख निश्चित नसल्याचे सांगितले जात असले तरी सूत्रांनी दिलेल्या माहितीनुसार १३ सप्टेंबर ही सोडतीची तारीख असण्याची शक्यता आहे.
विधानसभा निवडणुकीच्या आधी मुंबईसह राज्यातील सोडत जाहीर व्हावी यासाठी राज्य सरकार आग्रही आहे. त्यामुळे मुंबई मंडळाने आता जाहिरातीच्या कामाला वेग दिला आहे. त्यानुसार आता जाहिरात प्रसिद्ध करण्याचे काम अंतिम टप्प्यात असून ८ ऑगस्टला जाहिरात प्रसिद्ध होणार असल्याची माहिती मंडळातील सूत्रांनी दिली. जाहिरात प्रसिद्ध झाल्यानंतर तात्काळ अर्जविक्री-स्वीकृतीला सुरुवात होण्याची शक्यता आहे. तर आचारसंहिता लागू होण्याआधीच सोडतीचा निकाल जाहीर करणे आवश्यक असल्याने ऑगस्टच्या दुसऱ्या आठवड्यात निकाल जाहीर केला जाण्याची शक्यता आहे. अद्याप सोडतीची तारीख निश्चित नसल्याचे सांगितले जात असले तरी सूत्रांनी दिलेल्या माहितीनुसार १३ सप्टेंबर ही सोडतीची तारीख असण्याची शक्यता आहे.
मुंबईच्या सोडतीची जाहिरात या आठवड्यात प्रसिद्ध होणार असतानाच म्हाडा प्राधिकरण कोकण मंडळातील घरांसाठी ही सोडत काढण्याच्यादृष्टीने आग्रही आहे. तसे निर्देश कोकण मंडळाला देण्यात आले आहेत. तेव्हा कोकण मंडळही जाहिरातीच्या कामाला लागले आहे. अंदाजे ४ हजार घरांसाठी सोडत काढली जाण्याची शक्यता आहे. कोकणची जाहिरात आणि अर्जविक्री-स्वीकृती प्रक्रिया येत्या काही दिवसात सुरु होईल, पण सोडत मात्र आचारसंहितेनंतर जाहीर होण्याची शक्यता असल्याची माहिती सूत्रांनी दिली.