Tej Police Times
Fake Degree : बोगस डिग्रीवर विदेशी जॉब! नोकरीच्या नादात झाला पर्दाफाश; नागपूर कनेक्शन काय?
नागपूर, जितेंद्र खापरे : बनावट पदवी बनवणाऱ्या टोळीचा नागपूरच्या अंबाझरी पोलिसांनी पर्दाफाश केला आहे. या प्रकरणी पोलिसांनी तीन आरोपींविरुद्ध गुन्हा दाखल केला आहे. यातील एकाला अटक करण्यात आली आहे, तर दुसरा आरोपी घटनास्थळावरून पळून जाण्यात यशस्वी झाला आहे. तिसरा आरोपी मुलगी कॅनडामध्ये काम करते.
रमणकुमार सीतारामलू बंगारू (४०, गुंटूर, आंध्र प्रदेश), रतनबाबू आनंदराव मेकटोती (४०, गुंटूर, आंध्र प्रदेश) आणि कांचराला रोशन (आंध्र प्रदेश) अशी आरोपींची नावे आहेत. आरोपी रतनकुमार याला पोलिसांनी अटक केली आहे. दुसरा आरोपी पळून जाण्यात यशस्वी झाला. तिसरा आरोपी मुलगी असून ती कॅनडाच्या एका कंपनीत काम करते.
पोलिसांकडून मिळालेल्या माहितीनुसार, गुरुवारी एक अज्ञात व्यक्ती आरोपी कांचराला रोशन हिच्या नावाची अभियांत्रिकी पदवी आणि इतर कागदपत्रे तपासण्यासाठी विद्यापीठात पोहोचला. आरोपींनी परीक्षा मंडळ गाठून पदवीसंदर्भातील विचारपूस केली. विद्यापीठाच्या अधिकाऱ्यांनी तपास केला असता सर्व कागदपत्रे बनावट असल्याचे समोर आले. कोणीतरी विद्यापीठातील कर्मचारी आणि तत्कालीन कुलगुरूंच्या डिजिटल स्वाक्षरीचा वापर करून बनावट पदवी तयार केली आणि ती वापरत आहे.
बनावट पदवीची बाब समोर येताच परीक्षा विभागाच्या अधिकाऱ्यांनी तत्काळ पोलिस नियंत्रण कक्षाला माहिती दिली. माहिती मिळताच अंबाझरी पोलिस ठाण्याचे डीबी पथक घटनास्थळी पोहोचले. मात्र, पोलिस येण्यापूर्वीच आरोपी रतनबाबू आनंदराव मेकटोती याने पाणी पिण्याचे बहाणा करून घटनास्थळावरून पळ काढला. दुसऱ्या आरोपीला तेथे तैनात असलेल्या सुरक्षा रक्षकाने पकडले. आणि पोलीस दाखल होताच आरोपीला ताब्यात घेतले.
दरम्यान कागदपत्रे तपासली असता पदवीमध्ये ज्या मुलीचे नाव लिहिले आहे. ती कॅनडात राहते आणि तिथल्या एका कंपनीत काम करते. मिळालेल्या माहितीनुसार, मुलगी ज्या कंपनीत काम करते त्या कंपनीने मुलीच्या कागदपत्रांची पडताळणी करण्यासाठी येथे पाठवले होते. विद्यापीठातील बनावट कागदपत्रांवरून पदव्या बनविण्याचे रॅकेट उघडकीस आल्यानंतर शहरात खळबळ उडाली आहे. यामध्ये मोठे रॅकेट असल्याचा संशय पोलिसांना आहे. अंबाझरी पोलिसांनी विविध कलमान्वये गुन्हा दाखल करून पुढील तपास सुरू केला आहे.