Chandrapur : रानडुक्करांचा हैदोस! घरात शिरुन हल्ला, पिकांची नासधूस; वनविभागाचा कानाडोळा

चंद्रपूर, निलेश झाडे : चंद्रपूर जिल्हा म्हटले की वाघ डोळ्यासमोर उभे राहतात. वाघ,बिबट्याच्या दहशतीत अनेक गावांनी रात्र जागून काढली आहे. या गावात मात्र वाघ अथवा बिबट्याची दहशत नाही. इथे दहशत आहे रानडुकरांची. थेट घरात शिरून रानडुकरांनी गावकऱ्यांना जखमी केलं आहे. दहशत एवढी की अंगणातील धानाचा ढोलीला कडक सुरक्षा करण्याची वेळ गावाकऱ्यावर ओढवली आहे. रोज रात्री अंगणात डुकरांचा हैदोसामुळे गावकऱ्यांना घराबाहेर पडणे जीवावर बेतणारे ठरले आहे. अशातच रानडुकरा पासून शेतपिकांना वाचवायचं की घरातील माणसांना हा मोठा प्रश्न गावाकऱ्यांना पडलाय.
Nandurbar News: मरणानेही संपल्या नाहीत यातना, अंत्यसंस्कारासाठी डगमगत्या होडीने शेवटचा प्रवास, नंदुरबारमधील विदारक दृश्य

गोंडपिपरी तालुक्यात येणारं सोमनपल्ली हे लहानस गाव आहे. गावाची लोकसंख्या एक हजार तीनशे.कुटुंब संख्या जेमतेम ४५० इतकी आहे. गावाला लागून नाला वाहतोय याच नाल्याच्या काठावर अनेकांची शेती आहे. शेतात धान,कापूस,तुर पिके डोलात उभी आहेत. मात्र रानडुकरांकडून याच शेत पिकांचे मोठे नुकसान होवू लागले आहे. संतोष दुर्गे यांच्या अर्धा एकर शेतातील कापूस, तूर पिक रानडुकरांनी भुईसपाट केले. शेतात हैदोस घालणारी डुकरे आता थेट गावात पोहचली आहेत. गावातील रामदास मडावी यांच्या घरात रानडुकराने शिरकाव केला आणि त्यांचा कुटुंबावर हल्ला चढविला. त्यांची पत्नी सावित्रीबाई यांनी घरातील आढ्याचा आधार घेतला. मात्र डुकराच्या हल्ल्यात रामदास गंभीर जखमी झालेत.

गावातील अनेक शेतकऱ्यांचे धान ढोलीत अंगणात ठेवले आहेत. या धानावर रानडुकरे तुटून पडली आहेत. शेतपिकांचा सुरक्षेसाठी शेताभोवती लावल्या जाणारी झटका मशीन धानाचा ढोल्यांचा सुरक्षेसाठी वापरल्या जात आहे, एवढी दहशत हल्ले अथवा शेतपिकांचे नुकसान झाले तर गावकरी मध्य चांदा वन विभागाचे धाबा येथील कार्यालय गाठतात. वन कर्मचारी पंचनामे सुद्धा करतात. मात्र मदतीच्या नावावर शेतकऱ्यांचे हात रिकामेच असतात, असा गावकऱ्यांना आलेला अनुभव . दरवर्षी रानडुकरांमुळे शेतपिकांचे होणारे नुकसान बळीराजा सोसत आला आहे. आता मात्र त्यांच्या जीवावरच रानडुकरे उठली आहे. प्रश्न गंभीर आहे मात्र यातून गावकरी, शेतकऱ्यांचा सुटकेचा मार्ग वन विभागाला अद्याप गवसला नाही. ही मोठी शोकांतिका.