Tej Police Times
MNS VS Shivsena : उद्धव ठाकरेंच्या गाडीवर मनसेच्या कार्यकर्त्यांनी फेकले शेण, ठाण्यात वातावरण तापले
ठाणे, प्रदिप भणगे : ठाण्यातील गडकरी रंगातयन नाट्यगृहात उद्धव ठाकरे यांची सभा अगदी थोड्या वेळात पार पडणार आहे. पण त्याआधीच मनसे कार्यकर्त्यांकडून सभास्थळी गोंधळ करण्यात आला आहे. बांगड्या आणि टोमॅटो फेकत कार्यकर्त्यांनी सभास्थळी धूडगुस घातला आहे. सकाळीच मराठवाड्याचा दौरा आटोपत असताना थेट शरद पवार आणि उद्धव ठाकरेंना इशारा दिला होता. माझ्या नादी लागू नका नाहीतर, माझी पोर काय करतील कळणार नाही असे राज ठाकरेंनी ठणकावले होते त्यानंतर उद्धव ठाकरेंच्या सभास्थळी मात्र मनसे कार्यकर्त्यांनी गोंधळ केल्याची बातमी समोर येत आहे.
नेमके काय घडले?
राज ठाकरेंचा ताफा अडवून त्यांच्यावर सुपारी टाकल्याच्या घटनेला आता मनसैनिकांनी जशास तसं उत्तर दिलं असून उद्धव ठाकरे यांच्या गाडीवर आता मनसेच्या सैनिकांनी शेण टाकलं आहे. त्यानंतर मनसैनिक आक्रमक होत थेट उद्धव ठाकरेंचा कार्यक्रम सुरू असलेल्या ठाण्यातील रंगायतनमध्ये घुसले. त्यामुळे या ठिकाणी आता मोठा गोंधळ झाला आहे. मनसेचे 50 ते 60 कार्यकर्ते या ठिकाणी घुसल्याने मोठ्या प्रमाणात तणाव निर्माण झाला. त्यामध्ये महिला कार्यकर्त्यांची संख्या मोठी होती. मनसेचे कार्यकर्ते ठाण्यातील रंगायतनमध्ये घुसले आणि त्यांनी शिवसेनेचा बॅनरही फाडला. या प्रकारानंतर शिवसैनिकही त्याठिकाणी जमा झाले आणि गोंधळ निर्माण झाला. त्यानंतर पोलिसांनी मनसेच्या कार्यकर्त्यांना ताब्यात घेतलं.
शिवसेना ठाकरे गटाचा आज ठाण्यातील रंगायतनमध्ये मेळावा आहे. त्यासाठी उद्धव ठाकरे हे येत असताना त्यांच्या गाडीवर शेण आणि बांगड्या फेकण्यात आल्या. नंतर मनसेचे कार्यकर्ते आक्रमक भूमिका घेत थेट रंगायतनमध्ये घुसले. त्यानंतर गोंधळ घालायला सुरूवात केली. मनसे कार्यकर्त्यांकडून उद्धव ठाकरे यांच्यातर्फेवर शेण फेकण्याचा प्रयत्न सुद्धा करण्यात आला आहे. गडकरी रंगयतन याच ठिकाणी सभास्थळी येत असताना उद्धव ठाकरे यांच्या गाडीवर मनसे कार्यकर्त्यांकडून शेण फेकण्याचा प्रयत्न करण्यात आला यावेळी उद्धव ठाकरे यांचे कार्यकर्ते आणि मनसेचे कार्यकर्ते आमनेसामने आलेले पाहायला मिळाले. मोठा पोलीस बंदोबस्त गडकरी रंगायतन परिसरामध्ये तैनात केला असून मनसे कार्यकर्ते जोरजोरात घोषणाबाजी करत आहे दोन्ही गटांकडून एकमेकांच्या विरोधात घोषणाबाजी दोन्ही गट आमने-सामने आल्याने पोलीस दोन्ही गटांना बाजूला पांगवण्याचा प्रयत्न करत आहेत.
मनसेच्या कार्यकर्त्यांनी थेट उद्धव ठाकरे यांनाच लक्ष्य करत त्यांच्या गाडीवर शेण आणि बांगड्या फेकल्या. राज ठाकरेंच्या ताफ्यासमोर सुपारी फेकल्याने आज मनसेच्या कार्यकर्त्यांनी हे पाऊल उचलल्याचं मनसेचे नेते संदीप देशपांडे म्हणाले. यापुढे जशास तसं उत्तर दिलं जाईल असंही ते म्हणाले.मनसेच्या कार्यकर्त्यांनी घातलेल्या राड्यावर आता शिवसैनिक कशा प्रकारे प्रत्युत्तर देतात हे पाहावं लागेल.