Pune Traffic change: पुण्यात आज मराठा आरक्षण शांतता रॅली; वाहतुकीत मोठे बदल, ‘या’ भागातील रस्ते राहणार बंद

म. टा. प्रतिनिधी, पुणे : शहरात सारसबागेपासून आज (रविवारी) सकाळी मराठा आरक्षण शांतता रॅली निघणार असल्याने रॅली मार्गावरील वाहतुकीमध्ये आवश्यकतेनुसार बदल करण्यात येणार आहे. त्यामुळे वाहनचालकांनी सहकार्य करावे असे आवाहन वाहतूक शाखेकडून करण्यात आले आहे. रॅली गेल्यानंतर मार्ग पूर्ववत सुरू केले जाणार आहेत.

रॅलीचा मार्ग व वाहतूक बदल असणारे रस्ते :

शांतता रॅली सारसबाग, पुरम चौक, शनिपार, सेवा सदन चौक, अप्पा बळवंत चौक, गाडगीळ पुतळा, शिवाजी पूल, स. गो. बर्वे चौक डावीकळे वळण घेऊन जंगली महाराज रस्त्याने झाशी राणी चौक, गरवारे पूल- छत्रपती संभाजी पुतळा येथे विसर्जन होणार आहे.

वाहतूक बंद होणारे रस्ते

– शनिपार चौक-कुमठेकर रस्ता ते शनिपार चौक
– बेलबाग चौक-लक्ष्मी रस्ता ते बेलबाग चौक
– केळकर रस्ता- टकले हवेली चौकातून अप्पा बळवंत चौकापर्यंत
– बुधवार चौक-अप्पा बळवंत चौकापर्यंत
– जिजामाता चौक- फुटक्या बुरजाकडे
– जयवंतराव टिळक पूल ते शनिवारवाडा
– कुंभारवेस चौक ते गाडगीळ पुतळा
– मंगला टॉकीज ते प्रीमियर गॅरेज
– खुडे चौक-प्रीमिअर गॅरेज
– शिवाजी पुतळा चौक- शिवाजीनगर न्यायालयाकडून येणारी वाहतूक बंद.
– स. गो. बर्वे चौक- संपूर्ण वाहतूक शिमला ऑफिस चौकमार्गे जाईल
– झाशी राणी चौक- सावरकर भवन चौक वाहतूक ओंकारेश्वर पूलमार्गे जाईल.
– महात्मा फुले संग्रहालय- झाशी राणी चौकाकडे वाहतूक बंद.
कारवाईवरुन टोलवाटोलवी! गणेशोत्सव मिरवणुकीतील ध्वनिप्रदूषण कारवाईकडे MPCB, पालिका, पोलिसांचे दुर्लक्ष
जंगली महाराज रस्ता परिसरातील बदल
– भांडारकर रस्त्याकडून वाहने गोपाळ कृष्ण गोखले रस्तामार्गे (फर्ग्युसन कॉलेज रोड) जातील.
– गुडलक चौक- नटराज चौकाकडे वाहतूक बंद
– काकासाहेब गाडगीळ पूल- केळकर रस्त्यावरून वाहतूक बंद.
– भिडे पूल- पुलाची वाडी येथून जंगली महाराज रस्त्याकडे वाहतूक बंद.
– नळस्टॉप चौक- खंडोजीबाबा चौकाकडे वाहतूक बंद.
– रसशाळा चौक- एस एम जोशी पूलाकडील वाहने नळस्टॉप मार्गे जातील

– रॅली खंडोजीबाबा चौकात आल्यानंतर शेलारमामा चौकाकडून खंडोजीबाबा चौकाकडे वाहतूक बंद राहील.
– टिळक चौक- खंडोजीबाबा चौकाकडे वाहतूक बंद राहील. वाहने कुमठेकर व टिळक रस्तामार्गे सोडली जातील