Tej Police Times
सुपारी आंदोलन मनसेच्या जिव्हारी! सकाळी ‘राज’कीय इशारा अन् रात्री राडा; ठाकरे बंधूंचा वाद चर्चेत
मुंबई : राज ठाकरे आणि उद्धव ठाकरे या दोन बंधुमधील वाद नेहमीच चव्हाट्यावर असतो. आता ऐन विधानसभेच्या तोंडावर पुन्हा ठाकरे बंधूमधील वाद उफाळला आहे. राज ठाकरे यांच्या मराठवाडातील दौऱ्या दरम्यान उद्धव ठाकरे गटाने राज ठाकरे यांच्या ताफ्यावर सुपारी फेकत सुपारी आंदोलन केले. हेच आंदोलन मनसेला जिव्हारी लागल्याने मनसेने सुद्धा थेट उद्धव ठाकरे गटाला प्रत्युत्तर दिले आहे. ठाण्यातील उद्धव ठाकरेंच्या सभेत मनसैनिकांनी सुद्धा थेट बांगड्या आणि टोमॅटो फेकत सभास्थळी राडा केला.
मनसे कार्यकर्त्यांकडून उद्धव ठाकरे यांच्यातर्फेवर शेण फेकण्याचा प्रयत्न सुद्धा करण्यात आला आहे. गडकरी रंगयतन याच ठिकाणी सभास्थळी येत असताना उद्धव ठाकरे यांच्या गाडीवर मनसे कार्यकर्त्यांकडून शेण फेकण्याचा प्रयत्न करण्यात आला यावेळी उद्धव ठाकरे यांचे कार्यकर्ते आणि मनसेचे कार्यकर्ते आमनेसामने आलेले पाहायला मिळाले.
सकाळी इशारा रात्री राडा!
आज सकाळीच राज ठाकरे यांनी उद्धव ठाकरे आणि शरद पवार यांनी जातीपातीचे राजकरण करतात असे आरोप करुन त्यांचावर टीकेची झोड उडवली होती. राज म्हणाले, माझ्या दौऱ्यात मनोज जरांगेंचा काही संबंध नव्हता पण मनोज जरांगे यांच्याआडून शरद पवार आणि उद्धव ठाकरेंसारखी मंडळी राजकरण करतायत, मला मराठवाड्यात तसे दिसतंय. काही पत्रकार सुद्धा खतपाणी घालतात. धाराशीवला आलेल्या लोकांना भडकवण्याचे काम पत्रकारांनी केले, त्यातील दोनजण शरद पवारांच्या जवळचे आणि उद्धव ठाकरे गटाचे दोघेजण होते असा आरोप राज ठाकरेंनी लगावला आहे.
उद्धव ठाकरे पाच वर्ष केंद्रात भाजपसोबत सत्तेत होते, शरद पवारांना मोदी गुरु मानत होते मग तेव्हा त्यांनी आरक्षणासाठी शब्द का नाही काढला. तुमचे राजकरण तुम्हाला लख लाभो पण माझ्या नादी लागू नका, माझी पोर काय करतील यांना कळणार नाही, नंतर आरशात जावून पोट पाठ आणि गाल बघावे लागेल अशा इशाराच राज ठाकरेंनी दिला होता. राज ठाकरेंच्या इशारानंतर मनसे स्टाइल राडा थेट करण्यात आला आहे. आता याला शिवसैनिक पुन्हा प्रत्युत्तर देणार का? हे पाहणे महत्त्वाचे असेल.