राजकीय सर्जिकल स्ट्राइक काय असतो, हे कळलं असेलच, ‘राज साहेबांवर टीका कराल तर…’ मनसेचे ज्येष्ठ नेते कडाडले

सुशील राऊत, छत्रपती संभाजीनगर : राजकीय सर्जिकल स्ट्राइक काय असतो? हे अख्ख्या महाराष्ट्राला कळालं. महाराष्ट्र सैनिकांनी मोठ्या हिंमतीने सर्जिकल स्ट्राइक करून दाखवलंच आहे. सुपारीच्या बदल्यात आम्ही नारळ टाकले अन् त्यांची गाडी फुटली. मर्यादेपलीकडे जाऊन जर राज साहेबांवर टीका कराल तर प्रत्येकावर हाच सर्जिकल स्ट्राइक होईल, असा धमकीवजा इशारा मनसेचे ज्येष्ठ नेते प्रकाश महाजन यांनी महाराष्ट्र टाइम्सला दिलेल्या विशेष मुलाखतीतून दिला.

मराठवाडा दौऱ्यावर असलेल्या राज ठाकरे यांच्या गाडीसमोर ठाकरे कटाच्या कार्यकर्त्यांनी सुपाऱ्या टाकल्या. यामुळे मोठा राडा झाला होता. यानंतर महाराष्ट्र नवनिर्माण सेनेचे कार्यकर्ते चांगलेच आक्रमक झाल्याचे पाहायला मिळाले. दरम्यान काल ठाणे दौऱ्यावर असलेल्या उद्धव ठाकरे यांच्या गाडीवर मनसे कार्यकर्त्यांनी शेण, बांगड्या आणि नारळ फेकले. यामुळे ठाकरे बंधुंमधील वाद पुन्हा उफाळला आहे. यावर प्रतिक्रिया देताना मनसेचे ज्येष्ठ नेते प्रकाश महाजन म्हणाले की, राजकीय सर्जिकल स्ट्राइक काय असतो? हे अख्ख्या महाराष्ट्राला कळलं आहे. ठाण्यामध्ये अविनाश जाधव यांच्या नेतृत्वाखाली सर्व महाराष्ट्र सैनिकांनी, महिला कार्यकर्त्यांनी चौकात उभं राहून मोठ्या हिंमतीने सर्जिकल स्ट्राइक करून दाखवलंच आहे.’
Thane News: ”सुरुवात तुम्ही केली, आता शेवट आम्ही करणार”, मनसे नेत्याचा इशारा

मर्यादेपलीकडे राज साहेबांवर टीका कराल तर…

मराठवाडा दौऱ्यामध्ये राज ठाकरे यांची गाडी अडवून मनोज जरांगे यांच्या आंदोलनाच्या आडून ठाकरे गटाच्या कार्यकर्त्यांनी सुपार्‍या टाकल्या असा आरोप मनसेकडून केला जात आहे. असा कुठलाही बुरखा न घालता महाराष्ट्र नवनिर्माण सेनेच्या कार्यकर्त्यांनी जयजयकार करत उबाठाचे प्रमुख उद्धव ठाकरे यांच्या गाडीवर सुपारीच्या बदल्यात नारळ टाकले अन् त्यांची गाडी फोडली. असे मत प्रकाश महाजनांनी व्यक्त केले आहे. तर ‘आता उद्धव ठाकरे गट आणि महाराष्ट्रातल्या इतर कोणत्याही पक्षांने हे लक्षात घ्यावं की, मर्यादेच्यापलीकडे जर कोणी राज साहेबांवर टीका करेल तर अशा प्रत्येकावर हाच सर्जिकल स्ट्राइक केला जाईल, असा इशारा देखील मनसेच्या प्रकाश महाजन यांनी दिला आहे.