ऑलम्पिकमध्ये मेडलचं स्वप्न, पण पुण्यात खड्ड्यामुळे अपघात, महाराष्ट्र केसरी सुवर्णपदक विजेता अंथरुणाला खिळून

पुणे : महाराष्ट्रातील अनेक रस्त्यांवर खड्ड्यांचं साम्राज्य आहे. पुणे शहरातही खड्ड्यांमुळे वाहन चालक त्रस्त आहेत. खड्ड्यांमुळे आतापर्यंत अनेकांनी आपला जीव गमावला आहे. पुण्यातील रस्ते आणि त्यावरील खड्ड्यांमुळे पुणेकर त्रस्त असतानाच, या खड्ड्यामुळे एक धिप्पाड पैलवान आता अंथरुणाला खिळला आहे. गेल्या १३ दिवसांपासून २२ वर्षीय पैलवान विजय डोईफोडे मृत्यूशी झुंज देत आहे. विजय पुण्यातील एका खासगी रुग्णालयात उपचार घेत असून त्याच्या उपचारासाठी ३५ ते ४० लाख रुपयांचा खर्च अपेक्षित आहे. मात्र विजयच्या घरची परिस्थिती बेताची असल्याने विजयच्या कुटुंबियांनी मदतीचे आवाहन केले आहे.

विजय डोईफोडेने आतापर्यंत राष्ट्रीय स्तरावरील अनेक स्पर्धांमध्ये महाराष्ट्रासाठी पदकांची कमाई केली आहे. महाराष्ट्र केसरी स्पर्धेत सलग तीन वर्षे त्याने सुवर्णपदक पटकावलं आहे. काही दिवसांपूर्वी विजय दुखापती वर उपचार करून घेण्यासाठी पुण्यात आला होता. मात्र पुण्यातील स्वारगेट भागात पंचमी हॉटेल चौकात दुचाकी खड्ड्यात आपटून त्याचा अपघात झाला. दुचाकी खड्ड्यात आपटली, त्याचं डोकं दुभाजकावर आपटून अपघात झाला.
Mumbai Goa Highway : १७ वर्षांपासून मुंबई – गोवा राष्ट्रीय महामार्गाचं काम रखडलं, रस्त्यावर खड्डेच-खड्डे, १५ ऑगस्टपासून आमरण उपोषण
या अपघातात विजयच्या डोक्याला जोरदार मार लागला असून तो अपघात झाल्यापासून बेशुद्ध अवस्थेत आहे. त्याच्यावर उपचारांसाठी लाखों रुपयांची गरज आहे, मात्र त्याच्या घरची परिस्थिती बेताची असल्याने त्याच्यावर चांगले उपचार व्हावेत यासाठी आर्थिक मदतीचे आवाहन त्याच्या पैलवान मित्रांकडून करण्यात आले आहे.
Gaza Attack : जुळ्यांच्या जन्माचा आनंद, बाबा जन्मदाखल्यासाठी निघाले, घरी आले तर दोन्ही बाळांचा अंत

विजयला मदत करण्यासाठी संपूर्ण डिटेल्स –

GPay/Phone Pay Number : 9421349914 (बाळासो डोईफोडे विजयचे भाऊ )

Account Details – Name – Vijay Jijaba Doiphode Bank Of India, Vaduj

Account Number – 131910510004828

IFSC – BKID0001319

UPI id : rajudoiphode2222-2@okicici

सातारा जिल्ह्यातील खटाव तालुक्यातील मांडवे गावचा सुपुत्र असलेल्या पैलवान विजय डोईफोडे याच्या वैद्यकीय उपचारासाठी पंकजा मुंडे यांच्या सूचनेनुसार गोपीनाथ मुंडे प्रतिष्ठानच्या वतीने उपचारासाठी आर्थिक मदत विजयच्या कुटुंबियांना करण्यात आली आहे. तर भोसरी विधानसभा मतदारसंघांचे आमदार महेश लांडगे यांनी देखील आर्थिक मदत केली आहे.