पोहण्यासाठी पाण्यात उडी घेतली, पोहता येत नसल्याने दोघांचा करुण अंत; वर्ध्यात हळहळ

वर्धा : वर्ध्याच्या जवळ असलेल्या पवनार येथे धाम नदीत बुडून दोघांचा मृत्यू झाल्याची घटना घडली आहे. पाच ते सहा जणांनी धाम नदीच्या पात्रात पोहण्यासाठी पाण्यात उडी टाकली होती. दोघांना पोहता येत नसल्याने पाण्यात बुडाल्याने मृत्यू झाल्याची घटना घडली आहे.बुडालेल्या तिघांपैकी एकाला ग्रामस्थांकडून वाचविण्यात यश आले तर इतर काहींनी कसंबसं मार्ग काढत नदी पात्राचा काठ गाठला. पण यात मात्र पोहता येत नसलेल्या दोघांचा मृत्यू झाल्याची घटना घडली आहे. शुभाई खान व नसिम खान यांचा मृतकामध्ये समावेश असून दोघेही मृतक उत्तर प्रदेशातील रहिवासी आहे. वर्धा येथे प्लास्टर ऑफ पॅरिसचे बांधकाम कामात हे युवक होते. बुडालेल्या दोघांपैकी एकाचा मृतदेह काढण्यात पोलिसांना यश आले आहे.
MVA Mumbai Rally : ना पटोले, ना बाबा, ना थोरात, काँग्रेसने सलामीला ‘नाराजा’ला उतरवलं जोरात; कुणी वाढवला नारळ?

जीवघेण्या ट्रिकवर संताप

दरम्यान, काही दिवसांपूर्वी जिल्ह्यात एक धक्कादायक प्रकार समोर आला होता. साप म्हटलं की लहान असो वा मोठा, महिला असो वा पुरुष, प्रत्येकालाच भीती वाटते. अशा वेळी साप निघाला की सर्पमित्रांची आठवण होते. फोन केल्याबरोबर सर्पमित्रही आपली सामाजिक जबाबदारी लक्षात घेऊन घटनास्थळी येतात. सापाला जेरबंद करुन वन विभागात नोंद करतात आणि जंगलातील अधिवासात सोडून देतात. परंतु वर्धा जिल्ह्यातील आर्वी शहरात वेगळाच प्रकार समोर आला आहे. त्यामुळे विश्वास वाटणाऱ्या सर्पमित्रांविषयीही आता नागरिकांच्या मनात प्रश्न पडला आहे.

त्याचे असे झाले की वर्धा जिल्ह्यातील आर्वी शहरातील विठ्ठल वार्ड येथे व्यापारी संघाचे उपाध्यक्ष अनिल जेठानंद लालवानी राहतात. त्यांचा किराणा दुकानाचा व्यवसाय आहे. रात्री साडेनऊ वाजताच्या सुमारास त्यांच्या घरातील महिला फिरत असताना एका युवकाने अनिल लालवानी यांच्या घरात प्लास्टिक डब्यातून एक साप सोडल्याचे महिलांना दिसले. तसेच मोपेड दुचाकीस्वार एमएच ३२ ए.आर ८१८३ वर बसून असलेल्या युवकानेही साप सोडताना एका युवकाला पाहिले.
Uddhav Thackeray: ज्याच्या जास्त जागा, त्याचा CM; ठाकरेंनी मविआच्या सभेत सांगितला सुत्रातील गंभीर धोका

यानंतर महिलांनी आरडाओरडा केला असता अनिल लालवानी, शुभम लालवानी दोघेही बाहेर आले. लोकही जमा झाले त्यांनी या युवकाला पकडले असता, सर्पमित्र चेतन विलायतकर असल्याची त्याची ओळख पटली. भाविका मुरली लालवानी आणि भावना मनोज लालवानी यांनी चेतन विलायतकर याने घरात साप सोडल्याचे सांगितले. आधी त्याने उडवा उडवीची उत्तरे दिली. परंतु उपस्थित नागरिकांनी पोलिसांना पाचारण केले. परिसरातील नागरिकांनी सापाची पाहणी केली असता तो आढळून आला नाही.

चेतन विलायतकर (राहणार रामदेव बाबा वार्ड) याने पकडलेले साप जंगलात न सोडता स्वतःजवळ बाळगून जाणीवपूर्वक माझ्या घरातील लोकांच्या जीवितास इजा होईल अशा हेतूने साप घरात सोडला, याची पडताळणी करून तपासणी करावी, अशी तक्रार आर्वी पोलिसात मध्यरात्री एक वाजता देण्यात आली. पोलिसांनी भारतीय न्याय संहिता बीएनएस 2023- 291 नुसार गुन्हा दाखल केला आहे.