कुटुंबासोबत रत्नागिरीत फिरायला, पोटच्या मुलाचा डोळ्यादेखत घात; सिद्धार्थचा बुडून मृत्यू

रत्नागिरी : समुद्रात पोहोताना किंवा समुद्र स्नानाचा आनंद घेताना नेहमी काळजी घेणे खूप आवश्यक आहे. अतिसाहस जीवावर बेतू शकते. यापूर्वीही पर्यटक बुडाल्याच्या घटना कोकणात काहीवेळा घडल्या आहेत. रत्नागिरी जवळच्या आरे वारे समुद्रात अशीच एक दुर्दैवी घटना शनिवारी घडली आहे. १९ वर्षीय मुलाचा पाण्यात बुडाल्याने मृत्यू झाला आहे. सिद्धार्थ विनायक फासे (वय १९) या तरुणाचा मृत्यू झाला तर प्रविंद्र बिरादार यांना वाचिवण्यात स्थानिकांसह जिवरक्षकांना मोठे यश आले आहे. शनिवारी दुपारी तीन वाजण्याच्या सुमारास ही दुर्दैवी घटना घडली आहे.रत्नागिरीजवळ असलेल्या आरे वारे समुद्रात पनवेल येथून आलेले विनायक फासे हे आपल्या कुटुंबासह फिरण्यासाठी आले होते. याचवेळी त्यांचा १९ वर्षाचा मुलगा सिद्धार्थ समुद्रातील गुडघाभर पाण्यात उतरला होता. याचवेळी त्याला पाण्याचा अंदाज न आल्याने तो आत मध्ये ओढला गेला. तालुक्यातील आरे वारे समुद्रात शनिवारी दोघेजण बुडाले. त्यापैकी एकाला वाचवण्यात यश आले. दोघेही पनवेल येथील होते. त्यातील सिद्धार्थ विनायक फासे या तरुणाचा मृत्यू झाला आहे. तर प्रविंद्र बिरादार यांना वाचिवण्यात स्थानिकांसह जिवरक्षकांना यश आले आहे.
‘सावत्र भावां’ना जागा दाखवा! मुख्यमंत्र्यांकडून विरोधकांचा समाचार, महायुतीच्या नेत्यांनी फुंकले प्रचाराचे रणशिंग

रत्नागिरीच्या कोषागार कार्यालयात काही वर्षांपूर्वी कार्यरत असलेले आणि सध्या वसई-विरार महानगरपालिकेचे मुख्य लेखा परिक्षक विनायक फासे हे १५ ऑगस्ट रोजी आपल्या कुटुंबासह फिरण्यासाठी रत्नागिरीत आले होते. शनिवारी दुपारी ते कुटुंबासमवेत आरे-वारे येथील समुद्र किनारी गेले होते. कुटुंब किनाऱ्यावर फिरत असतानाच त्यांचा मुलगा सिद्धार्थ हा गुडघाभर पाण्यात उतरला आणि याचवेळी मोठा घात झाला. मात्र, ही घटना जवळच असलेले प्रविंद्र बिरादार यांनी पाहिली व त्यांनी सिद्धार्थ याला वाचवण्यासाठी पाण्यात उडी घेतली. सिद्धार्थ वाचू शकला नाही पण याचवेळी बिराजदारही पाण्यात ओढले गेले. पाण्याचा प्रवाह जास्त असल्याने सिद्धार्थ आता ओढला जात होता. सिद्धार्थला वाचविताना प्रविंद्र बिरादार यांचा श्वास गुदमरु लागल्याने ते पाण्यात पडले.

या सगळ्या प्रकारामुळे कुटुंबीयांनी आरडाओरडा सुरू केला. हा सगळा प्रकार तात्काळ जीव रक्षकांच्या लक्षात आला. ही घटना येथील जीव रक्षकांना समजताच जीव रक्षकांनी तात्काळ घटनास्थळी धाव घेत जीवाची बाजी लावून बिराजदार यांना वाचवलं. मात्र सिद्धार्थच्या नाका तोंडात पाणी गेल्याने तो वाचू शकला नाही. त्याला तात्काळ जवळच्या रुग्णालयात दाखल करण्यात आलं. मात्र डॉक्टरांनी तपासून त्यावा मृत घोषित केलं. प्रविंद्र बिरादार यांना पाण्याच्या बाहेर काढले त्यांची प्रकृती स्थिर आहे.

या घटनेचे वृत समजताच पोलीस निरिक्षक नितिन ढेरे, पोलीस उपनिरिक्षक सौ.सावंत, सहाय्यक पोलीस उपनिरिक्षक संजय शिगवण यांनी घटनास्थळी धाव घेतली. त्यानंतर जिल्हा रुग्णालयात येऊन पंचनामा केला. शवविच्छेदन झाल्यानंतर रात्री उशिरा मृतदेह नातेवाईकांच्या ताब्यात देण्यात आला. मृत युवक हा वसई-विरार महानगरपालिकेचे मुख्य लेखा परिक्षक विनायक फासे यांचा मुलगा आहे. विनायक फासे हे रत्नागिरी येथेही काहीवर्षे कार्यरत होते.