Maharashtra Breaking News : वाचा रविवार १८ ऑगस्ट २०२४ च्या सर्व ब्रेकिंग न्यूज आणि महत्वाच्या बातम्या एकाच ठिकाणी

Yogesh Kadam: भाजपाने दापोलीत उमेदवारीची मागणी करणे यामध्ये गैर नाही – आ. योगेश कदम

भाजपाने उमेदवारीची मागणी करणे यामध्ये गैर नाही, लोकशाही आहे मात्र मला विश्वास आहे की दापोली, मंडणगड, खेड विधानसभेची उमेदवारी मलाच जाहीर होईल आणि मग त्यानंतर आम्ही महायुती म्हणून हातात हात घालून एकत्र काम करू, असा विश्वास योगेश कदम यांनी व्यक्त केला आहे. आपल्याबरोबर पालकमंत्री उदय सामंत, महाडचे आमदार भरत गोगावले हे व आम्ही कोकणातले सगळे आमदार मुख्यमंत्री एकनाथ शिंदे यांच्यावर विश्वास ठेवून त्यांच्यासोबत आलो आहोत त्यामुळे आम्हाला काळजी नाही. रत्नागिरी जिल्ह्यात महायुती असतानाही भाजपाकडूनही उमेदवारीची मागणी होत आहे, यावर बोलताना आमदार योगेश कदम यांनी प्रतिक्रिया दिली आहे.