नवरा आर्मीत, प्रियकराच्या साथीने जवानाचा काटा काढला, बॉयफ्रेंडने असं काही केलं की…

कोल्हापूर : सुट्टीवर आलेल्या सैन्य दलातील जवान अमर भीमगोंडा देसाई (रा. नूल, ता. गडहिंग्लज) यांना प्रियकराच्या मदतीने पत्नीने हात-पाय बांधून विषारी द्रव पाजले होते. या घटनेनंतर पुण्यातील मिलिटरी हॉस्पिटलमध्ये देसाई यांच्यावर उपचार सुरू असताना त्यांचा ५ ऑगस्ट रोजी मृत्यू झाला. या प्रकरणी पत्नी तेजस्विनी आणि प्रियकर सचिन यांना पोलिसांनी ताब्यात घेतले होते. यातील प्रियकर सचिन राऊत यानेही विषारी द्रव पिऊन जीवन संपवण्याचा प्रयत्न केला होता. त्याच्यावर कर्नाटकामध्ये उपचार सुरू असताना शुक्रवारी त्याचा मृत्यू झाला असल्याची माहिती पोलिसांनी दिली आहे.भारतीय सैन्य दलातील जवान अमर देसाई हे जम्मू-काश्मीर येथे कर्तव्य बजावत होते. सुट्टीसाठी ते आपल्या परिवाराला भेटायला गावी आले होते. १८ जुलै रोजी ते पाटणे सिमेंट पाइप कारखान्याजवळील आपल्या बंगल्यात ते झोपले होते. यावेळी अचानक संशयित आरोपी पत्नी तेजस्विनी आणि तिचा प्रियकर सचिन परशराम राऊत (रा. हेब्बाळ, कसबा नूल) या दोघांनी त्यांच्यावर हल्ला करत जबरदस्तीने विषप्रयोग केला. अचानक घडलेल्या या प्रसंगामुळे अमर झोपेतून खडबडून जागे झाले आणि आरडाओरडा सुरू केली. दरम्यान आवाज ऐकून आजूबाजूच्या लोकांनी तत्काळ घरात दाखल होत पत्नी आणि तिच्या प्रियकराला पकडले. तसेच अमर यांना उपचारासाठी येथील उपजिल्हा रुग्णालयात दाखल केले. प्राथमिक उपचारानंतर त्यांना कोल्हापूर शहरातील सीपीआर रुग्णालयात आणण्यात आले आणि तेथून पुण्यात उपचार सुरू होते. मात्र ५ ऑगस्ट रोजी रात्री त्यांची प्राणज्योत मालवली.
Maharashtra Assembly Election Survey: भाजप जागा राखणार, पण शिंदे, दादांना झटका बसणार; सर्व्हे आला, मतदारांचा कौल कोणाला?

दरम्यान, पोलिसांनी पत्नी आणि त्याच्या प्रियकराला अटक केल्यानंतर भांडण काढून त्रास देत असल्यामुळे प्रियकराच्या सहकाऱ्याने अमरला विष पाजल्याची कबुली तेजस्विनी हिने चौकशी दरम्यान पोलिसांना दिली होती. त्यावरून तिच्यासह तिचा प्रियकर सचिनवरही भारतीय न्यायसंहितेनुसार पोलिसांनी गुन्हा दाखल करण्यात आला आहे. दरम्यान, १९ जुलै २०२४ रोजी तेजस्विनीचा प्रियकर संशयित सचिन राऊत यानेही विषारी औषध प्राशन करून आत्महत्या करण्याचा प्रयत्न केला. त्याच्यावर बेळगाव येथील सरकारी दवाखान्यात उपचार सुरू होते. मात्र शुक्रवारी त्याचाही मृत्यू झाला असल्याची माहिती पोलिसांनी दिली आहे. तसेच राऊत याचा मृतदेह उत्तरीय तपासणीनंतर नातेवाईकांच्या ताब्यात देण्यात आला असून सचिन राऊत याचा मृत्यू झाल्याने तेजस्विनी हिच्यावर या प्रकरणी पुढील कार्यवाही सुरू राहणार आहे. तेजस्विनी ही सध्या न्यायालयीन कोठडीत आहे.