थेरड्याचे नातीच्या वयाच्या मुलीसोबत अश्लील चाळे, आईस्क्रीम शॉपच्या टेरेसवर मुलीची छेडछाड

प्रसाद रानडे, रायगड, पेण : दिवसेंदिवस महिला अत्याचारांमध्ये वाढ होत असतानाच रायगड जिल्ह्यात एक धक्कादायक घटना समोर आली आहे. म्हातारचळ लागलेल्या एका ६२ वर्षीय थेरड्याने आपल्या नातीच्या वयाच्या असलेल्या मुलीसोबत अश्लील चाळे केल्याप्रकरणी पोलीस ठाण्यात गुन्हा दाखल करण्यात आला आहे. त्यामुळे पुन्हा महिला असुरक्षिततेचा मुद्दा ऐरणीवर आला आहे. या प्रकरणी रायगड पोलिसांनी ६२ वर्षीय सुबोध जोशी (रा. लोकमान्य सोसायटी) नावाच्या वृद्धावर गुन्हा दाखल केला आहे.

रायगड जिल्ह्यात पेण परिसरात ही घटना घडली आहे. या घटनेचा सर्व स्तरातून निषेध होत असून पोलिसांनी जास्तीत जास्त कठोर कारवाई करावी, अशी मागणी महिला वर्ग व नागरिकांकडून केली जात आहे. आरोपीवर तात्काळ कारवाई करावी, अशी मागणी केली जात आहे.
धावत्या दुचाकीवर प्रेमी युगुलाचे अश्लील चाळे; व्हिडिओ व्हायरल, नागरिकांकडून संताप व्यक्त

देशभरात घडत असलेल्या महिलांच्या अत्याचाराच्या घटनांनी समाजमन सुन्न झाले आहे. रायगड जिल्ह्यात घडलेल्या अनेक घटनांमुळे महिला सुरक्षा ऐरणीवर आली आहे. पेणमधील एका ६२ वर्षीय वृद्ध इसमाने नातीच्या वयाच्या मुलीसोबत अश्लील चाळे करत तिची छेड काढली. सुबोध जोशी नामक वृद्धावर पेण पोलीस ठाण्यात गुन्हा नोंद करण्यात आला आहे. या घटनेने परिसरात संतापाची लाट उसळली आहे.
कानात इलेक्ट्रॉनिक डिव्हाईस, भरती पेपरच्यावेळी उमेदवारांची कॉपी; पोलिस होण्यासाठी अजब जुगाड

पेण शहरात चावडी नाका येथे अमुल आईस्क्रीम पार्लर आहे. या दुकानात आईस्क्रीम घेण्यासाठी याच परिसरात राहणारी २२ वर्षीय तरुणी गेली होती. त्यावेळी ६२ वर्षीय सुबोध जोशी (रा. लोकमान्य सोसायटी) याने तिला काही कारणास्तव दुकानाच्या टेरेसवर नेले. ही तरुणी जिना चढत असताना वृद्धाने तिचा जबरदस्ती हात पकडला तसेच स्त्री मनास लज्जा उत्पन्न होईल असे हातवारे व अश्लील चाळे केल्याची तक्रार पेण पोलीस ठाण्यात करण्यात आली आहे.

चावडी नाक्यावरील एका आईस्क्रीम शॉपच्या टेरेसवर मुलीची छेडछाड काढल्याचा हा संतापजनक प्रकार घडल्याची माहिती पेण पोलिसांनी दिली आहे. यानिमित्ताने महिला आपल्या घराच्या परिसरात तरी सुरक्षित आहेत का? हा मुद्दा उपस्थित होत आहे. असे दुष्कृत्य करणाऱ्या व्यक्तींना अद्दल घडवण्याची मागणी आता महिला वर्गाकडून केली जात आहे.