Tej Police Times
Assembly Election : पीएम मोदींचा महाराष्ट्र दौरा, भाजपाचे मिशन विधानसभा! निवडणुकीचे रणशिंग फुंकणार?
जळगाव, निलेश पाटील : पंतप्रधान नरेंद्र मोदी यांच्या उपस्थितीत दि. २५ ऑगस्टला राज्यस्तरीय ‘लखपती दीदी’ हा ऐतिहासिक महिलांचा मेळावा जळगाव विमानतळाच्या समोरच्या विस्तीर्ण अशा जागेवर होणार आहे. आगामी विधानसभा निवडणुकीच्या पार्श्वभूमीवर प्रत्येक पक्षाने आता आपापले वर्चस्व सिद्ध करायला सुरुवात केली आहे. कार्यकर्ता मेळावे असतील किंवा महिला मिळावे असेल, लाडके बहीण योजना संदर्भातील माहिती मेळावे असतील सर्वच पक्षांनी आता कंबर कसली आहे.यातच जळगाव शहरामध्ये लाडकी बहीण योजनेचा शुभारंभ मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांच्या हस्ते पार पडला आहे. याआधी उपमुख्यमंत्री अजित पवार यांनी जळगाव जिल्ह्यातील अमळनेर येथे लाडकी बहीण योजने संदर्भात माहिती देण्यासाठी आले होते, तसेच लाडकी बहीण योजना मीच आणले असे जाहीर भाषणात पवारांनी सांगितले.
आता आगामी २५ ऑगस्टला देशाचे पंतप्रधान नरेंद्र मोदी ‘लखपती दीदी’ कार्यक्रमानिमित्त महिलांना संबोधित करणार आहेत. पंतप्रधान मोदींच्या दौऱ्यासाठी भाजप पुर्ण तयारीला लागले आहे, अवघ्या आठवड्यावर आलेल्या कार्यक्रमासाठी सरकारी अधिकारी सुद्धा सभास्थळाची पाहणी करताना दिसत आहेत.
दोन वेळा पीएम मोदींचा जळगाव दौरा हुकला!
लोकसभा निवडणुकीमध्ये पंतप्रधान नरेंद्र मोदी यांचा जळगावात दौरा होणार होता, शासनाने तयारी सुरु केली होती. विमानतळाच्या समोरील मैदानावर पंतप्रधान नरेंद्र मोदी यांची सभा होणार होती यासाठी पूर्ण तयारी करण्यात आली होती. मंडप, खुर्च्या तसेच जमीन सपाटीकरणाचे काम जोरात सुरू होते, मात्र दोन वेळेस काही कारणास्तव पंतप्रधान नरेंद्र मोदी यांचा जळगाव जिल्ह्याचा दौरा होऊ शकला नाही. मात्र यंदा २५ ऑगस्टला पंतप्रधान नरेंद्र मोदी यांनी जळगाव जिल्ह्याच्या दौऱ्यावर येत असल्याचे निश्चित केले आहे. यासाठी जळगाव विमानतळाच्या समोरील कार्यक्रम पार पडणार आहे. तसेच पंतप्रधान नरेंद्र मोदी हे महिलांना संबोधित करणार आहेत.
याच मेळाव्याच्या पार्श्वभूमीवर आज राज्याचे ग्रामविकास मंत्री गिरीश महाजन यांनी या जागेची पाहणी केली. यावेळी त्यांच्या समवेत केंद्रीय ग्राम विकास मंत्रालयाच्या संयुक्त सचिव स्वाती शर्मा, जिल्हाधिकारी आयुष प्रसाद, जिल्हा परिषदेचे मुख्य कार्यकारी अधिकारी श्री. अंकित, जिल्हा पोलीस अधिक्षक डॉ. महेश्वर रेड्डी, सार्वजनिक बांधकाम विभाग, ग्रामीण विकास यंत्रणा या विभागाचे अधिकारी यावेळी उवस्थित होते