Tej Police Times
Solapur : दोघे रक्षाबंधनसाठी निघाले पण काळाने आधीच हेरले; भाऊ बहिणीचा विचित्र अपघात
सोलापूर, इरफान शेख : रक्षाबंधन सणाचा मुहूर्त काही तासांवर येऊन ठेपला आहे. बहीण भावाच्या नात्याचा सण साजरा करण्यासाठी सर्वत्र लगबग सुरू आहे आणि आनंदाचे वातावरण आहे. लाडक्या बहिणी गावाकडे जाऊन भावाच्या हातावर राखी बांधणार आहेत, तर भाऊ देखील आपल्या बहिणींकडे राखी बांधायला जात आहेत. बहीण-भावाच्या या प्रेमळ नात्यानं सोशल मीडियाही गजबजलेला पाहायला मिळत आहे. रक्षाबंधन सणासाठी गावाकडे घेऊन येणाऱ्या कारचा अपघात झाल्याने बहीण-भावाचा मृत्यू झाल्याची ह्रदयद्रावक घटना मंगळवेढा पंढरपूर मार्गावर घडली आहे.रक्षाबांधनाच्या पूर्व संध्येला बहीण भावाच्या मृत्यूने सोलापुरात हळहळ व्यक्त होत आहे.
रक्षाबांधनाच्या पूर्वसंध्येला बहीण भावाचा मृत्यू, सोलापुरात हळहळ
पंढरपूरहून मंगळवेढाकडे निघालेली स्विफ्ट कार (क्रमांक एम एच १३ बी एन ६६४९) पंढरपूरकडे येत असताना आयशर टेम्पो (आर.जे.३६ जी.ए ७९७१) ला समोरासमोर जोरदार धडकली आहे. अपघातात स्विफ्ट कारचा चक्काचूर झाला आहे. स्विफ्ट कारमधील बहीण भाऊ जागीच ठार झाले आहेत. मंगळवेढा येथील रोहित तात्यासो जाधव (वय 25 वर्षे), ऋतुजा तात्यासो जाधव (वय 19 वर्षे) अशी मयत बहीण भावाची नावे आहेत.
दोघांचे मृतदेह पंढरपूर उपजिल्हा रुग्णालयात शवविच्छेदन साठी दाखल करण्यात आले आहे. रविवारी सायंकाळी साडे चार वाजता दुर्दैवी घटना घडली. अपघातानंतर स्थानिक नागरिकांनी तात्काळ घटनास्थळी धाव घेतली होती. मात्र, जागेवरच कारमधील बहीण भावाचा मृत्यू झाल्याने उपस्थितानाही गहिवरुन आले होते. रक्षाबंधन सणासाठी गावाकडे घेऊन येणाऱ्या कारचा अपघात झाल्याने बहीण भावाचा जागीच मृत्यू झाल्याची ह्रदयद्रावक घटना सोलापुरात घडली आहे.
भीषण अपघातात स्विफ्ट कार चक्काचूर
रक्षाबंधन सणासाठी आलेल्या बहिणीला कारमधून गावाकडे घेऊन जात असताना भीषण अपघात झाला आहे.आयशर आणि टेम्पोची धडक इतकी भीषण होती, स्विफ्ट कारचा चक्काचूर झाला आहे. पंढरपूर-मंगळवेढा मार्गावर गोपाळपूर हद्दीत स्विफ्ट कार आणि आयशर टेम्पो यांच्यात झालेल्या भीषण अपघातात बहीण भावाच जागीच मृत्यू झाला. मात्र, जागेवरच कारमधील बहीण-भावाचा मृत्यू झाल्याने उपस्थितांनाही गहिवरुन आले.