कोकणातून उद्धव ठाकरेंना हद्दपार करु, सत्ता महायुतीचीच येणार; आमदार योगेश कदमांचे विधान

रत्नागिरी, प्रसाद रानडे : लोकसभा आणि विधानसभा निवडणुकीत फरक असतो. आता विधानसभेला आम्ही उमेदवार असणार आहोत, धनुष्यबाण चिन्ह असणार आहे. यंदा विधानसभा निवडणुकीमध्ये कोकणातून उबाठाला हद्दपार करण्याचं काम कोकणवासीय करतील असा विश्वास शिवसेनेचे युवा नेते आमदार योगेश कदम यांनी व्यक्त केला आहे. राज्यातील बहिणींना मुख्यमंत्री लाडकी बहिण योजनेचे पैसे मिळू नये म्हणून विरोधकांनी कोर्टात याचिका दाखल केली होती. मात्र ही याचिका सुप्रीम कोर्टाने फेटाळली आहे. सरकारचा अधिकार आहे त्यामध्ये आम्ही हस्तक्षेप करणार नाही अशी टिप्पणी कोर्टाने दिली आहे. त्यामुळे राज्यातील जनता महाविकास आघाडीच्या नेत्यांच्या मनात काय आहे काय समजायचे आहे ते समजले आहे अशा शब्दात आमदार योगेश कदम यांनी विरोधकांना टोला लगावला आहे. आमच्या महाराष्ट्रातील महिला भगिनींना ही योजना लागू होऊ नये मुख्यमंत्री लाडकी बहीण योजनेतून त्यांना पैसे मिळू नयेत यासाठी अतिशय खालच्या पातळीवरचे राजकारण करण्यात आलं अशी जहरी टीका आमदार योगेश कदम यांनी महाविकास आघाडीवर केली आहे.

युतीतील मित्रपक्षाची कदमांच्या मतदारसंघावर नजर

भाजपाने उमेदवारीची मागणी करणे यामध्ये गैर नाही लोकशाही आहे. मात्र मला विश्वास आहे की दापोली मंडणगड खेड विधानसभेची उमेदवारी मलाच जाहीर होईल. मग त्यानंतर आम्ही महायुती म्हणून हातात हात घालून एकत्र काम करू असा विश्वास कदमांनी व्यक्त केला आहे. आपल्याबरोबर पालकमंत्री उदय सामंत, महाडचे आमदार भरत गोगावले आणि कोकणातले सगळे आमदार मुख्यमंत्री एकनाथ शिंदे यांच्यावर विश्वास ठेवून त्यांच्यासोबत एकत्र आलो आहोत म्हणून आम्हाला काळजी नाही. रत्नागिरी जिल्ह्यात महायुती असतानाही भाजपाकडूनही उमेदवारीची मागणी होत आहे यावर बोलताना आमदार योगेश कदम यांनी वरील प्रतिक्रिया दिली आहे.
Chief Minister Of Maharashtra: मला मुख्यमंत्री बनायचं असं उध्दव ठाकरे यांनी कधीच सांगितलेलं नाही, मात्र…; पाहा संजय राऊत पुढे काय म्हणाले

उद्धव ठाकरेंना संधी का नाही दिली?

शरद पवार यांचं म्हणणं होतं की मुख्यमंत्री उद्धव ठाकरे व्हावेत मग आता महाविकास आघाडीच्या वतीने मुख्यमंत्री पदासाठीचे उद्धव ठाकरे यांचे नाव जाहीर का करण्यात आले नाही असाही सवाल करत आमदार योगेश कदम यांनी उद्धव ठाकरे यांना डिवचले आहे. महाविकास आघाडीकडून मुख्यमंत्री पदाचा चेहरा जाहीर करावा अगर न करावा पण पुन्हा एकदा आमची महायुतीची सत्ता येईल असा विश्वास योगेश कदम यांनी व्यक्त केला आहे.
Ladki Bahin Yojana: …तर तुमच्या खात्यातून १५०० रुपये परत घेणार! आमदार रवी राणा यांच्या वक्तव्याने खळबळ

महिलांनी शिवसेनेचे युवा नेते आमदार योगेश कदम यांना औक्षण करत केले रक्षाबंधन

मुख्यमंत्री लाडकी बहीण योजनेचा शुभारंभ दापोली खेड मंडणगड विधानसभा मतदारसंघात शुभारंभ झाला. यावेळी उपस्थित महिला वर्गांनी समस्त महिला वर्गाच्या वतीने प्रतिनिधिक स्वरूपात पाच महिलांनी औक्षण करून आमदार योगेश कदम यांना रक्षाबंधन केलं. या कार्यक्रमात महिलांनी केलेल्या रक्षाबंधनाच्या स्नेहाने आमदार योगेश कदमही क्षणभर भारावून गेले, मला अगोदर माहिती असते तुम्ही राखी बांधणार आहात तर मी येताना गिफ्ट घेऊन आलो असतो अशा शब्दात त्यांनी आपल्या भावना व्यक्त केल्या. इतकंच नाही तर आपल्याला कार्यक्रमाला यायला उशीर झाल्याने त्यांनी उपस्थित महिलांची दिलगिरीही व्यक्त केली. पाच महिलांनी प्रातिनिधिक स्वरूपात शिवसेनेचे युवा नेते आमदार योगेश कदम यांना औक्षण करत रक्षाबंधन करून त्यांचे आशीर्वाद घेतले.