Tej Police Times
Raj Thackeray : संताप आणणारा प्रकार, गुन्हा दाखल करुन घेण्यातच पोलिसांनी १२ तास का लावले? राज ठाकरेंचा सवाल
मुंबई : ठाणे जिल्ह्यातील बदलापूर शहरातील शाळेत ४ वर्षांच्या आणि एका ६ वर्षांच्या चिमुकलीवर लैंगिक अत्याचार करण्यात आला. हा धक्कादायक प्रकार समोर आल्यानंतर संपूर्ण बदलापूर शहरात संतापाची लाट उसळली असून शहरातील नागरिक रस्त्यावर उतरुन आंदोलन करत आहोत. शाळेबाहेर मोठ्या संख्येने लोक एकत्र येत आरोपीला फाशी शिक्षा देण्यात यावी अशी मागणी केली. या प्रकरणावर मनसे अध्यक्ष राज ठाकरे यांनी प्रतिक्रिया दिली आहे. इतका मोठा घटना गुन्हा असताना पोलिसांनी तक्रार दाखल करण्यास १२ तास का लावले असा सवाल राज ठाकरेंनी केला आहे.
तसंच आपल्या महाराष्ट्र सैनिकांनी हा मुद्दा लावून धरला असून आरोपीला कठोर शिक्षा होत नाही तोपर्यंत हा विषय लावून ठेवण्याचं, या विषयात लक्ष घालण्याचंही राज ठाकरेंनी म्हटलं आहे.
तसंच आपल्या महाराष्ट्र सैनिकांनी हा मुद्दा लावून धरला असून आरोपीला कठोर शिक्षा होत नाही तोपर्यंत हा विषय लावून ठेवण्याचं, या विषयात लक्ष घालण्याचंही राज ठाकरेंनी म्हटलं आहे.
बदलापुरातील घटनेवर काय म्हणाले राज ठाकरे?
‘बदलापूरच्या शाळेत लहान लहान मुलींच्या बाबतीत जो भयानक प्रकार घडला आहे तो धक्कादायक आणि संताप आणणारा आहे. मुळात या घटनेत गुन्हा दाखल करून घेण्यातच पोलिसांनी १२ तास का लावले ? एका बाजूला कायद्याचं राज्य म्हणायचं, आणि दुसऱ्या बाजूला पोलिसांच्याकडून झालेला हा कुठला हलगर्जीपणा? माझ्या महाराष्ट्र सैनिकांनी हा मुद्दा लावून धरला आहे, आणि माझं महाराष्ट्र सैनिकांना सांगणं आहे की या प्रकरणात आरोपीला कठोरातील कठोर शिक्षा होईपर्यंत या विषयांत तुमचं लक्ष असू द्या ….’
Badlapur Girls Assault: बदलापूर प्रकरणाने सरकार खडबडून जागं, शाळांमध्ये विशाखा समिती, शिक्षण मंत्र्यांचे मोठे निर्णय
बदलापूर शहरातील शाळेत लैंगिक अत्याचाराच्या घटनेविरोधात जनता रस्तावर उतरली आहे. या आंदोलनाला हिंसक वळण लागलं. शाळेबाहेर आंदोलन करण्यासह लोकांनी रेल्वे रुळावर उतरुनही आंदोलन केलं. रेलरोको आंदोलन सुरू केल्यानंतर पोलिसांनी जमावाला बाजूला करण्याचा प्रयत्न केला केला. मात्र संतप्त जमावाने पोलिसांवर दगडफेक केली.
दुसरीकडे शाळेबाहेर लोकांनी आरोपीला फाशी देण्याची मागणी करण्यात आली. लोकांनी शाळेत घुसत शाळेची तोडफोड केली. जमावाला पांगवण्यासाठी पोलिसांना अश्रूधुराच्या नळकांड्या फोडाव्या लागल्या. चिमुकल्यांना न्याय मिळवून देण्यासाठी जनता रस्त्यावर उतरल्यानंतर आता सरकारने हे प्रकरण फास्ट ट्रॅक कोर्टात चालवण्याचे आदेश दिले आहेत.