बदलापूरनंतर अंबरनाथमध्ये नको ते कृत्य, सार्वजनिक शौचालयात अल्पनयीन मुलीवर अत्याचार; नराधम अटकेत

प्रदीप भणगे, अंबरनाथ : बदलापूरनंतर आता अंबरनाथमध्ये धक्कादायक प्रकार घडला आहे. ९ वर्षीय अल्पवीयन मुलीवर घरासमोरील सार्वजनिक शौचालया शेजारी राहणाऱ्या ३५ वर्षीय नराधमानाने अश्लील व्हिडिओ दाखवून लैंगिक अत्याचार केल्याची धक्कादायक घटना समोर आली आहे. शेजार धर्माला काळिमा फासणारी ही घटना अंबरनाथ पश्चिम भागातील एका परिसरात असलेल्या सार्वजनिक शौचालयात घडली आहे.

बदलापूरच्या शाळेतील शौचालयात दोन चिमुरड्यांवर लैंगिक अत्याचार झाल्याची घटना ताजी असतानाच अशीच एक घटना समोर आल्याने परिसरात खळबळ माजली आहे. याप्रकरणी अंबरनाथ पश्चिम पोलीस ठाण्यात लैगिक अत्याचार आणि पोक्सो कायद्यानुसार नराधमावर गुन्हा दाखल करून पोलिसांनी त्याला बेड्या ठोकल्या आहेत. संतोष कांबळे असे अटक नराधमाचं नाव आहे.
Kolhapur Crime News : १० वर्षांच्या चिमुकलीची हत्या, बदलापूरची घटना ताजी असताना कोल्हापुरात धक्कादायक घटना
पोलीस सूत्राने दिलेल्या माहितीनुसार, पीडित अल्पवीयन मुलगी अंबरनाथ पश्चिम भागातील एका वस्तीत कुटुंबासह राहते. तर आरोपी पीडितेच्या शेजारी राहणारा असल्याने त्यांची एकमेकांशी ओळख आहे. याच ओळखीचा फायदा घेत, पीडित अल्पवीयन मुलीच्या बालमनाचा फायदा घेऊन तिच्याशी जवळीक साधण्याच्या बहाण्याने घरासमोरील सार्वजनिक शौचालयात बोलावलं. त्यानंतर शौचालयात पीडित मुलीला अश्लील व्हिडिओ दाखवून तिच्यावर लैंगिक अत्याचार केला. खळबळजनक बाब म्हणजे हा लैगिक अत्याचाराचा प्रकार १ जुलै ते २० ऑगस्टपर्यत दुपारच्या सुमारास गुपचूपपणे सुरू होता.
Raj Thackeray : संताप आणणारा प्रकार, गुन्हा दाखल करुन घेण्यातच पोलिसांनी १२ तास का लावले? राज ठाकरेंचा सवाल
दरम्यान, २० ऑगस्ट रोजी दुपारच्या सुमारास पीडित मुलीला बहाण्याने शौचालयात बोलवलं, त्यावेळी नराधम संतोष अश्लील व्हिडिओ दाखवून लैंगिक अत्याचार करण्याचा प्रयत्न करताच पीडित मुलीने विरोध केला. तिच्या विरोधानंतर आरोपीने तिला शिवीगाळ करत मारण्याची धमकी दिली. या धमकीला घाबरून पीडितेने घडलेली घटना आईला सांगितली. त्यानंतर आईने पीडित मुलीला घेऊन अंबरनाथ पोलीस ठाणे गाठून मुलीसोबत घडलेल्या प्रकाराची तक्रार दाखल केली.

पोलिसांनी बीएनसी कायदानुसार कलम ७४, ७५ (२), ३, ३५,१, (२) ५२, सह पोक्सो कलम ८ आणि १२ प्रमाणे आज २१ ऑगस्ट रोजी गुन्हा दाखल केला. काही तासातच नराधमाला बेड्या ठोकल्या आहेत. त्याला न्यायालयात हजर केल असता दोन दिवसांची पोलीस कोठडी सुनवाल्याची माहिती पोलीसांनी दिली आहे.