Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
बदलापूर अत्याचार प्रकरणी उज्ज्वल निकम यांची नियुक्ती रद्द करा, वंचित बहुजन आघाडीची मागणी
म. टा. खास प्रतिनिधी, मुंबई : बदलापूर येथील शाळेत दोन बालिकांवर झालेल्या लैंगिक अत्याचाराची घटना संतापजनक आहे. त्यामुळेच हे प्रकरण हाताळताना राजकीय हस्तक्षेप होऊ शकेल अशी रास्त भीती लोकांना वाटत आहे. त्यामुळेच भाजपचे लोकसभेचे उमेदवार ॲड. उज्ज्वल निकम यांची सरकारी वकील म्हणून झालेली नियुक्ती साशंकता निर्माण करणारी आहे. त्यामुळेच या खटल्यात सरकारी वकील म्हणून त्यांची नियुक्ती रद्द करण्यात यावी, अशी मागणी वंचित बहुजन आघाडीने केली आहे.
वंचितकडून या घृणास्पद घटनेतील गुन्हेगार अक्षय शिंदे, घटना झाकून ठेवणारे शाळेचे संचालक मंडळ आणि पोलीस खाते या सर्वांचा तीव्र निषेध करण्यात आला आहे. दरम्यान, या प्रकरणात सरकारची बाजू मांडण्यासाठी ज्येष्ठ विधीज्ञ उज्ज्वल निकम यांची नियुक्ती करण्यात आल्याचे कळल्यानंतर वंचितकडून त्याचा विरोध करण्यात आला आहे.
या पार्श्वभूमीवर वंचितने निकम यांची नियुक्ती रद्द करावी अशी मागणी केली आहे. आपल्या मागणीत पक्षाने म्हटले आहे की, शाळेचे संचालक मंडळ भारतीय जनता पक्षाशी आणि राष्ट्रीय स्वयंसेवक संघाशी संबंधित आहे, अशी माहिती आहे. निकम यांची खैरलांजी हत्याकांड केस त्याचप्रमाणे मोहसीन शेख झुंड हत्या प्रकरणातील भूमिका संशयास्पद आहे. दुसरे म्हणजे निकम हे भाजपचे म्हणून या प्रकरणात हितसंबंधी आहेत. त्यामुळे या केसमध्ये सरकारी वकील म्हणून झालेली त्यांची नियुक्ती रद्द करण्यात यावी अशी मागणी वंचित बहुजन आघाडी करत आहे.
वंचितकडून या घृणास्पद घटनेतील गुन्हेगार अक्षय शिंदे, घटना झाकून ठेवणारे शाळेचे संचालक मंडळ आणि पोलीस खाते या सर्वांचा तीव्र निषेध करण्यात आला आहे. दरम्यान, या प्रकरणात सरकारची बाजू मांडण्यासाठी ज्येष्ठ विधीज्ञ उज्ज्वल निकम यांची नियुक्ती करण्यात आल्याचे कळल्यानंतर वंचितकडून त्याचा विरोध करण्यात आला आहे.
या पार्श्वभूमीवर वंचितने निकम यांची नियुक्ती रद्द करावी अशी मागणी केली आहे. आपल्या मागणीत पक्षाने म्हटले आहे की, शाळेचे संचालक मंडळ भारतीय जनता पक्षाशी आणि राष्ट्रीय स्वयंसेवक संघाशी संबंधित आहे, अशी माहिती आहे. निकम यांची खैरलांजी हत्याकांड केस त्याचप्रमाणे मोहसीन शेख झुंड हत्या प्रकरणातील भूमिका संशयास्पद आहे. दुसरे म्हणजे निकम हे भाजपचे म्हणून या प्रकरणात हितसंबंधी आहेत. त्यामुळे या केसमध्ये सरकारी वकील म्हणून झालेली त्यांची नियुक्ती रद्द करण्यात यावी अशी मागणी वंचित बहुजन आघाडी करत आहे.
बदलापूरमध्ये चार वर्षांच्या मुलीवर सफाई कर्मचाऱ्याकडून शाळेत लैंगिक अत्याचार करण्यात आला. इतक्या गंभीर गुन्ह्यातही पोलिसांनी मुलीवरील अत्याचाराची तक्रार दाखल करुन घेण्यासाठी तब्बल १२ तास लावले. पोलिसांनी कोणतीही दखल घेतली नाही. या घटनेनंतर संपूर्ण बदलापूर शहरात संतापाची लाट उसळली आणि जनता आंदोलन करत रस्त्यावर उतरली. तीव्र आंदोलनानंतर सरकारला जाग आली आणि हा खटला फास्ट ट्रॅक कोर्टात चालवण्याचा निर्णय घेण्यात आला. सध्या आरोपीला २६ ऑगस्टपर्यंत न्यायालयीन कोठडी देण्यात आली असून त्याला फाशीची शिक्षा व्हावी अशी मागणी होत आहे.