आधी दारू ढोसली, नंतर बिलवरुन राडा, किरकोळ वाद, हातोड्याने वार; पुण्यात कुख्यात गुंडाची हत्या

पुणे : बारमध्ये दारू पिल्यानंतर बिलवरून झालेल्या वादातून बारमधील बाऊन्सरने एका रेकॉर्डवरील गुन्हेगाराचा खून केल्याची धक्कादायक घटना उघडकीस आली आहे. ही घटना सिंहगड रस्ता परिसरातील वीर बाजी पासलकर (वडगाव) पुलाजवळील क्लासिक बारसमोर रात्री साडेबारा वाजण्याच्या सुमारास घडली आहे. या प्रकरणी पोलिसांनी तिघांना ताब्यात घेतलं असून गुन्हा दाखल करण्यात आला आहे.अमोल शेजवाळ (वय ३४, रा. धायरी फाटा, सिंहगड रस्ता, पुणे) असं खून झालेल्या व्यक्तीचं नाव आहे. पोलिसांनी बाऊन्सरला ताब्यात घेतलं असून पुढील कारवाई करण्यात आली आहे.
वरळीत घड्याळाचा आमदार? अमोल मिटकरी अकोल्यातून ‘वरळी’त येणार? बॅनरबाजीने चर्चांना उधाण

घटनेची माहिती मिळताच पोलीस उपायुक्त, सहायक पोलीस आयुक्त, तसेच सिंहगड रस्ता पोलीस ठाण्याचे वरिष्ठ पोलीस निरीक्षक आनंदराव खोबरे, पोलीस निरीक्षक (गुन्हे) राघवेंद्र क्षीरसागर, सहायक पोलिस निरीक्षक राहुल यादव, समीर चव्हाण, पोलीस उपनिरिक्षक सुरेश जायभाय, अक्षय चव्हाण आदींसह पोलिस अधिकारी व अंमलदारांनी घटनास्थळी धाव घेतली. याप्रकरणी तिघांना पोलिसांनी ताब्यात घेतले असून गुन्हा दाखल करण्याचे काम सुरू आहे.

मिळालेल्या माहितीनुसार, वडगाव पुलाजवळ असलेल्या क्लासिक बारमध्ये रेकॉर्डवरील गुन्हेगार गोट्या शेजवाळ आणि त्याचे मित्र दारू पिण्याकरता बसले होते. दरम्यान रात्री साडेबारा वाजण्याच्या सुमारास बिलावरून बारचालकात आणि गोट्या शेजवाळ यांच्यात वाद सुरू झाला. तो बार बाहेर जाऊ लागल्याने तेथील बाऊन्सरने त्याला हॉटेलबाहेर अडविले. त्यातून त्याचे बाऊन्सरबरोबर वाद सुरू झाले. यात वाद इतके टोकाला गेले की, वादाचे रूपांतर हाणामारीत झाले. बारलगत असलेल्या टायर पंक्चर दुकानातील हातोडी आणून बाऊन्सरने त्याच्या डोक्यात मारले आणि यात त्याचा जागीच मृत्यू झाला.

पुण्यात थरारक घटना

पुण्यातील बारामतीत काल एका अल्पवयीन मुलाचा धारदार शस्त्राने डोक्यात आणि मानेवर वार करत खून केल्याची घटना घडली आहे. बारामती शहरातील जळोची येथील काळ्या ओढाजवळ काल सायंकाळी पाचच्या सुमारास ही घटना घडली. गणेश वाघमोडे (वय १७) असं खून झालेल्या मुलाचं नाव आहे. या घटनेनं बारामतीत खळबळ उडाली आहे. याबाबत नवनाथ उत्तम चोरमले (वय ३९ वर्ष, रा.अहिल्यादेवी चौक जळोची, बारामती) यांनी शहर पोलीस ठाण्यात फिर्याद दिली आहे.