मासेमारी करुन कुटुंब चालवायचा, रात्री मासे घेऊन घरी, पण दुसऱ्या दिवशीची सकाळ शेवटची ठरली

तैहसीन मथरुजी हा तीन महिन्यापूर्वी केरळमधून कोकणात गावी दाभोळ येथे आला होता. केरळ राज्यात तो जहाज बांधणी प्रकल्पात ब्रेक वॉटर सिस्टममध्ये काम करत होता. मात्र तेथील काम संपल्याने तो गावी आला होता. यानंतर तैहसीन हा गावी मासेमारी करून आपल्या कुटुंबाचा उदरनिर्वाह चालवण्यासाठी मदत करत होता. गुरुवारी रात्रीही तो मासे पकडण्यासाठी दाभोळ खाडीत गेला होता. यावेळी त्याला चांगले मासेही मिळाले होते, अशी माहिती समोर आली आहे.
Nepal Accident : नेपाळ बस अपघातातील सर्व प्रवासी जळगावचे, पाहा बसमधील प्रवाशांची यादी
तैहसीन आपल्या मामा बरोबर शुक्रवारी सकाळी दाभोळ येथून दापोलीकडे येत होता. मात्र त्याचवेळी घात झाला. एसटी आणि दुचाकी यांच्यात झालेल्या धडकेत तैहसीन त्याचा जागीच मृत्यू झाल्याची दुर्दैवी घटना घडली आहे. तैहसीनच्या दुर्दैवी मृत्यूमुळे परिसरातून हळहळ व्यक्त केली जात आहे. त्याच्या मागे आई-वडील एक भाऊ असं कुटुंब आहे. आपल्या घरातील कर्ता मुलगा दुर्दैवी अपघातात गेल्याने या कुटुंबावर दुःखाचा डोंगर कोसळला आहे.

शुक्रवार, २३ ऑगस्ट रोजी सकाळी ११ वाजता सुटणारी दापोली दाभोळ एसटी बस ही दाभोळकडे रवाना झाली होती. साडेअकराच्या सुमारास ती उंबर्ले येथील बोरघरे यांच्या बागेसमोर आली असता दाभोळ कडून येणारी एक दुचाकी यांच्यात समोरासमोर धडक झाली. ही धडक इतकी भीषण होती, की यामध्ये दुचाकीस्वाराचा मृत्यू झाला.
Badlapur Case Update : हायकोर्टाने दखल घेतल्यानंतर खडबडून जाग, आता बदलापूरच्या शाळेवरही पोक्सोचा गुन्हा
दापोली – दाभोळ मार्गावर उंबर्ले रोहीदासवाडी स्टॉपजवळ दापोलीकडून दाभोळकडे जाणारी एसटी आणि दाभोळकडून दापोलीकडे येणाऱ्या दुचाकी यांच्यात झालेल्या भीषण अपघातात त्याचा जागीच मृत्यू झाला. तर दुसरा गंभीर जखमी झाला आहे. त्याच्यावर दापोली उपजिल्हा रुग्णालयात उपचार सुरू आहेत.

घटनास्थळावरून मिळालेल्या माहितीनुसार, जखमीला पुढील उपचारासाठी शासकीय उपजिल्हा रुग्णालय दापोली येथे दाखल करण्यात आले आहे. घटनास्थळी पोलीस, एसटी आगाराचे अधिकारी दाखल झाले असून पोलीस पंचनामा सुरू आहे.